Baab-13 : ﴾Sunnate Nabawi ﷺ Ko Mazbooti Se Thaame Rakhne Ka Bayan﴿

Fasl-01 :

Huzoor Nabiyye Akram ﷺ Kee Sunnate Mutahharah Ko Mazbooti Se Thaame Rakhne Ka Bayan

01/850. “Hazrat Aboo Hurayrah RadiyAllahu Ta’ala ‘Anhu Riwayat Karte Hain Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Farmaya : Jis Ne Meri Ita’at Kee So Us Ne Allah Ta’ala Kee Ita’at Kee, Aur Jis Ne Meri Nafarmani Kee So Us Ne Allah Ta’ala Kee Nafarmani Kee.”

Muttafaque ‘Alayh
–
[Bukhari Fi As-Sahih, 06/2611,

Bukhari Fi As-Sahih, 03/1080, Raqm-2797,

Muslim Fi As-Sahih, 03/1466, Raqm-1835,

Nasa’i Fi As-Sunan, 07/154, Raqm-4193, 5510,

Ibn Majah Fi As-Sunan, 01/04, Raqm-03,

Ibn Majah Fi As-Sunan, Raqm-2859, 2859,

Ibn Khuzaymah Fi As-Sahih, 03/46, Raqm-1597,

Ibn Hibban Fi As-Sahih, 10/420, Raqm-4556,

Ahmad Bin Hanbal Fi Al-Musnad, 02/252, Raqm-7428,

Al-Minhaj-us-Sawi Mina Al-Hadith-in-Nabawi ﷺ, Safha-751, Raqm-850.]

02/851. “Hazrat Hudhayfah RadiyAllahu Ta’ala ‘Anhu Riwayat Karte Hain Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Hum Se Bayan Farmaya : (Wahyi-e Ilahi Kee) Amaanat Aasmaan Se Logo’n Ke Dilo’n Kee Tah Me Naazil Farmaa’i Ga’i Aur Qur’ane Kareem Naazil Hua. So Unhone Qur’ane Kareem Padha Aur Sunnat Seekhi.”

Muttafaque ‘Alayh
–
[Bukhari Fi As-Sahih, 06/2655, Raqm-6848,

Muslim Fi As-Sahih, 01/126, Raqm-143,

Tirmidhi Fi As-Sunan, 04/474, Raqm-2179,

Ahmad Bin Hanbal Fi Al-Musnad, 05/383, Raqm-23303,

Al-Minhaj-us-Sawi Mina Al-Hadith-in-Nabawi ﷺ, Safha-751, 752, Raqm-851.]

03/852. “Hazrat Aboo Hurayrah RadiyAllahu Ta’ala ‘Anhu Riwayat Karte Hain Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Farmaya : Meri Saari Ummat Jannat Me Daakhil Hogi Siwaye Us Ke Jis Ne Inkaar Kiya. Sahaba Ne Arz Kiya : Ya RasoolAllah ﷺ! Kis Ne Inkaar Kiya? Aap SallAllahu Ta’ala ‘Alayhi Wa-Aalihi Wa-Sallam Ne Farmaya : Jis Ne Meri Ita’at Kee Woh Jannat Me Daakhil Hua Aur Jis Ne Meri Nafarmani Kee Us Ne Inkaar Kiya.”
–
[Bukhari Fi As-Sahih, 06/2655, Raqm-6851,

Ibn Hibban Fi As-Sahih, 01/196, Raqm-17,

Hakim Fi Al-Mustadrak, 01/122, Raqm-182,

Hakim Fi Al-Mustadrak, 04/275, Raqm-8626,

وقال : صحيح الإسناد ،

Ahmad Bin Hanbal Fi Al-Musnad, 02/361, Raqm-8713,

Al-Minhaj-us-Sawi Mina Al-Hadith-in-Nabawi ﷺ, Safha-752, Raqm-852.]

04/853. “Hazrat Jaabir Bin ‘Abd Allah RadiyAllahu Ta’ala ‘Anhuma Se Marwi Hai Ki Kuchh Firishte Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Kee Khidmate Aqdas Me Haakir Hu’e Jab Ki Aap SallAllahu Ta’ala ‘Alayhi Wa-Aalihi Wa-Sallam Istiraahat Farma Rahe They To Un Me Se Ek Ne Kaha : Yeh To Soye Hu’e Hain. Doosre Ne Kaha (In Kee) Aankh Soti Hai Magar Dil Bedaar Rehta Hai. Phir Unhone Kaha : Haqeeqi Ghar Jannat Hee Hai Aur Muhammad SallAllahu Ta’ala ‘Alayhi Wa-Aalihi Wa-Sallam (Haqq Kee Taraf) Bulaane Waale Hain. Jis Ne Muhammad SallAllahu Ta’ala ‘Alayhi Wa-Aalihi Wa-Sallam Kee Ita’at Kee (Dar Haqeeqat) Us Ne Allah Ta’ala Kee Ita’at Kee Aur Jis Ne Muhammad SallAllahu Ta’ala ‘Alayhi Wa-Aalihi Wa-Sallam Kee Nafarmani Kee Us Ne Allah Ta’ala Kee Nafarmani Kee, Muhammad SallAllahu Ta’ala ‘Alayhi Wa-Aalihi Wa-Sallam Achchhe Aur Bure Logo’n Me Farq Karne Waale Hain.”
–
[Bukhari Fi As-Sahih, 06/2655, Raqm-6852,

Al-Minhaj-us-Sawi Mina Al-Hadith-in-Nabawi ﷺ, Safha-752, 753, Raqm-853.]

05/854. “Hazrat Ikam Malik RadiyAllahu Ta’ala ‘Anhu Riwayat Karte Hain Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Farmaya : Mein Tumhare Paas Do Cheeze Chhode Ja Raha Hoo’n Agar Tum Unhe’n Thaame Rakhoge To Kabhi Gumraah Na Hoge. Ya’ni Allah Ta’ala Kee Kitab Aur Us Ke Nabi SallAllahu Ta’ala ‘Alayhi Wa-Aalihi Wa-Sallam Kee Sunnat.”
–
[Malik Fi Al-Muwatta’, 02/899, Raqm-1594,

Hakim Fi Al-Mustadrak, 01/172, Raqm-319,

Ibn ‘Abd-il-Barr Fi At-Tamhid, 24/331, Raqm-128,

Wasiti Fi Tarikh Wasit, 01/50,

Al-Minhaj-us-Sawi Mina Al-Hadith-in-Nabawi ﷺ, Safha-753, Raqm-854.]

06/855. “Hazrat Ibn Abbas RadiyAllahu Ta’ala ‘Anhuma Se Marwi Hai Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Hajjat-ul-Wida’a Ke Mauqe Par Logo’n Se Khitaab Farmaya : Aye Logo! Yaqeenan Mein Tumhare Darmiyan Aisee Shai Chhode Ja Raha Hoo’n Agar Tum Use Mazbooti Se Thaame Rakhoge To Kabhi Gumraah Nahin Hoge. Ya’ni. Allah Ta’ala Kee Kitab Aur Us Ke Nabi Kee Sunnat.”

وقال الحاكم : صحيح الإسناد.
–
[Hakim Fi Al-Mustadrak, 01/171, Raqm-318,

Bayhaqi Fi As-Sunan-ul-Kubra,, 10/114,

Bayhaqi Fi Al-I’tiqad, 01/228,

Maruzi As-Sunnah, 01/26, Raqm-68,

Mundhiri Fi At-Targhibu Wa At-Tarhibu Mina Al-Hadith Ash-Sharif, 01/41, Raqm-66,

Suyooti Fi Miftah-ul-Jannah Fi Al-Ihtijaj Bi-‘i-Sunnah, 01/21,

Ibn Hazm Fi Al-Ihkamu Fi Usool-il-Ahkam, 06/243,

Tabarani Tarikh-ul-Umam Wal-Muluk, 02/206,

Ibn Hisham Fi As-Seerat-un-Nabawiyyah, 06/10,

Al-Minhaj-us-Sawi Mina Al-Hadith-in-Nabawi ﷺ, Safha-753, 754, Raqm-855.]

07/856. “Hazrat Irbaaz Bin Saariya RadiyAllahu Ta’ala ‘Anhu Riwayat Karte Hain Ki Ek Din Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Fajr Kee Namaz Ke Baa’d Hame’n Nihayat Faseeho Baleegh Wa’z Farmaya, Jis Se Aankho’n Me Aansoo Jaari Ho Ga’e Aur Dil Kaanpne Lage. Ek Shakhs Ne Kaha : Yeh To Al Wid’a Hone Waale Shakhs Ke Wa’z Jaisa (Khitab) Hai. Ya RasoolAllah ﷺ! Aap Hame’n Kya Waseeyat Farmarte Hain? Aap SallAllahu Ta’ala ‘Alayhi Wa-Aalihi Wa-Sallam Ne Farmaya : Mein Tumhe’n Parhezgaari Aur Sun’ne Aur Maan’ne Kee Waseeyat Karta Hoo’n, Khwaah Tumhara Haakim Habshee Ghulaam Hee Kyun Na Ho. Is Liye Ki Tum Me Se Jo Zinda Rahega Woh Bohat Se Ikhtilaaf Dekhega. Khabardaar (Shari’at Ke Khilaaf) Na’i Baato’n Se Bachana Kyun Ki Yeh Gumraahi Ka Raasta Hai Lehaaza Tum Me Se Jo Yeh Zamaana Paaye To Woh Meri Aur Mere Hidaayat Yaafta Khulafa-e Rashideen Ridwanu Allahi Ta’ala ‘Alayhim Ajma’iyn Kee Sunnat Ko Laazim Pakade, Tum Log (Meri Sunnat Ko) Daanto’n Se Mazbooti Se Pakad Lena (Ya’ni Is Par Sakhti Se Kaarband Rehna).”

رواه الترمزي وابن ماجه.

وقال الترمزي : هذا حديث حسن صحيح.
–
[Tirmidhi Fi As-Sunan, 05/44, Raqm-2676,

Aboo Dawud Fi As-Sunan, 04/200, Raqm-4607,

Ibn Majah Fi As-Sunan, 01/15, Raqm-46,

Ahmad Bin Hanbal Fi Al-Musnad, 04/126,

Ibn Hibban Fi As-Sahih, 01/178, Raqm-05,

Hakim Fi Al-Mustadrak, 01/174, Raqm-329,

وقال : هذا حديث صحيح ليس له علة،

Tabarani Fi Al-Mu’jam-ul-Kabir, 18/246, Raqm-618,

Al-Minhaj-us-Sawi Mina Al-Hadith-in-Nabawi ﷺ, Safha-754, 755, Raqm-856.]

08/857. “Hazrat Ibn Awn RadiyAllahu Ta’ala ‘Anhu Ka Qaul Hai Ki Teen Cheeze’n Mein Apne Liye Aur Apne Bhai Ke Liye Pasand Karta Hoo’n Ek Yeh Ki Woh Is Sunnat Ko Seekhe Aur Us Ke Muta’alliq Sawal Kare. Doosara Qur’an Kareem, Kee Use Samjhe Aur Us Ke Muta’alliq Poochhe’n, Teesara Yeh Ki Bhalaa’i Ke Siwa Logo’n Se Kinaara Kash Rahe.”
–
[Bukhari Fi As-Sahih, 02/2654,

Bayhaqi, 02/96, Raqm-132,

Lalaka’i Fi I’tiqad Ahl As-Sunnah, ,01/61, Raqm-36,

Al-Minhaj-us-Sawi Mina Al-Hadith-in-Nabawi ﷺ, Safha-755, Raqm-857.]

09/858. “Hazrat Aboo Hurayrah RadiyAllahu Ta’ala ‘Anhu Se Marwi Hai Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Farmaya : Meri Sunnat Ko Us Waqt Mazbooti Se Thaame Rakhne Waale Ke Liye Jab Ki Meri Ummat Fasaad Me Mubtala Ho Ga’i, Shaheed Ke Baraabar Sawaab Hai.

Aur Imam Aboo Na’im Kee Riwayat Hai Ki . “Hazrat Ibn Faris RadiyAllahu Ta’ala ‘Anhu Ne Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Is Tarah Riwayat Kee Aur Us Me Aap SallAllahu Ta’ala ‘Alayhi Wa-Aalihi Wa-Sallam Ne Farmaya : To Us Ke Liye Sau-100 Shaheedo’n Ke Baraabar Sawaab Hai.”
–
[Tabarani Fi Al-Mu’jam-ul-Awsat, 05/315, Raqm-5414,

Aboo Nu’aym Fi Hilyat-ul-Awliya’ Wa Tabaqat-ul-Asfiya’, 08/200,

Daylami An Ibn Abbas RadiyAllahu Ta’ala ‘Anhuma Fi Musnad-ul-Firdaws, 04/198, Raqm-2208,

Mundhiri Fi At-Targhibu Wa At-Tarhibu Mina Al-Hadith Ash-Sharif, 01/41, Raqm-65,

وقال : رواه الطبراني بإسناد لا بأس به،

Haythami Fi Majma’-uz-Zawa’id Wa Manba’-ul-Fawa’id, 01/172,

وقال : رجاله ثقات ،

Ibn Adi An Bin Abbas RadiyAllahu Ta’ala ‘Anhuma Fi Al-Kamil, 02/327, Raqm-460,

وقال : وأرجو أنه لا بأس به،

Dhahabi Fi Mizan-ul-I’tidal Fi Naqd-ir-Rijal, 02/270,

Ibn Hajar ‘Asqalani Fi Lisan-ul-Mizan, 02/246, Raqm-1033,

Suyooti Fi Miftah-ul-Jannah Fi Al-Ihtijaj Bi-‘i-Sunnah, 01/13,

Al-Minhaj-us-Sawi Mina Al-Hadith-in-Nabawi ﷺ, Safha-755, 756, Raqm-858.]

10/859. “Hazrat Aboo Hurayrah RadiyAllahu Ta’ala ‘Anhu Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Se Riwayat Karte Hain Ki Aap SallAllahu Ta’ala ‘Alayhi Wa-Aalihi Wa-Sallam Ne Farmaya : Tumhare Paas Meri Taraf (Mansoob Shuda) Mukhtalif Ahadith Pahonchengi, So Jo Tumhare Paas Qur’ane Paak Aur Meri Sunnat Ke Muwafik Pahonche To (Jaan Lo Ki) Woh Meri Taraf Se (Hee) Hai Aur Jo Tumhare Paas Qur’ane Paak Aur Meri Aur Meri Sunnat Se Mutsaadim Qaul Pahonche To (Jaan Lo Ki) Woh Meri Taraf Se Nahin Hai.”
–
[Daylami Fi Musnad-ul-Firdaws, 02/321, Raqm-3456,

Khatib Al-Baghdadi Fi Al-Kifayah Fi Ilm-ir-Riwayah, 01/430,

Dhahabi Fi Mizan-ul-I’tidal Fi Naqd-ir-Rijal, 03/315,

Suyooti Fi Miftah-ul-Jannah Fi Al-Ihtijaj Bi-‘i-Sunnah, 01/23,

Ibn ‘Adi Fi Al-Kamil Fi Du’afa’-ir-Rijal, 04/69,

Al-Minhaj-us-Sawi Mina Al-Hadith-in-Nabawi ﷺ, Safha-756, Raqm-859.]

Al-Minhaj-us-Sawi Mina Al-Hadith-in-Nabawi SallAllahu ‘Alayhi Wa-Aalihi Wa-Sallam, Baab-13 : ﴾Sunnate Nabawi ﷺ Ko Mazbooti Se Thaame Rakhne Ka Bayan﴿

Buri Bid’at Se Bachte Rehne Ka Bayan

Posted on January 21, 2017 by Diwan Mohsin Shah

Fasl-02 :

Buri Bid’at Se Bachte Rehne Ka Bayan

11/860. “Hazrat Aaishah Siddiqah RadiyAllahu Ta’ala ‘Anha Riwayat Karti Hain Ki Ek Din Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Farmaya : Jo Hamare Is Deen Me Koi Aisi Na’i Baat Paida Kare Jo Is Me Na Ho To Woh Radd Hai.”

Muttafaque ‘Alayh
–
[Bukhari Fi As-Sahih, 02/959, Raqm-2550,

Muslim Fi As-Sahih, 03/1343, Raqm-1718,

Aboo Dawud Fi As-Sunan, 05/12, Raqm-4606,

Ibn Majah Fi As-Sunan, 01/07, Raqm-14,

Al-Minhaj-us-Sawi Mina Al-Hadith-in-Nabawi ﷺ, Safha-757, Raqm-860.]

12/861. “Bukhari Aur Muslim Kee Ek Riwayat Me Hai : Jo Koi Aisa Kaam Kare Jis Ke Muta’alliq Hamara Hukm Na Ho To Woh Mardood Hai.”
–
[Bukhari Fi As-Sahih, 02/753,

Bukhari Fi As-Sahih, 06/2675,

Muslim Fi As-Sahih, 03/1343, Raqm-1718,

Aboo ‘Awanah Fi Al-Musnad, 04/171, Raqm-6408,

Daraqutni Fi As-Sunan, 04/227, Raqm-80, 82,

Ahmad Bin Hanbal Fi Al-Musnad, 06/180, Raqm-25511,

Al-Minhaj-us-Sawi Mina Al-Hadith-in-Nabawi ﷺ, Safha-757, Raqm-861.]

13/862. “Hazrat Jaabir Bin ‘Abd Allah RadiyAllahu Ta’ala ‘Anhuma Riwayat Karte Hain Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Jab Khutba Dete To Aap SallAllahu Ta’ala ‘Alayhi Wa-Aalihi Wa-Sallam Kee Chashmane Muqaddas Surkh Ho Jaati, Aawaaz Buland Hoti Aur Jalaal Ziyaada Ho Jaata Aur Yoo’n Lagta Jaise Aap Kisi Aise Lashkar Se Dara Rahe Ho Jo Sub’ho Shaam Me Hamla Karne Waala Ho. Aur Farmate : Mein Aur Qiyaamat In Do² Ungliyo۔n Kee Tareh Saath-Saath Bheje Ga’e Hai. Phir Aap SallAllahu Ta’ala ‘Alayhi Wa-Aalihi Wa-Sallam Anguste Shahaadat Aur Darmiyani Ungli Ko Milaate Aur Hamdo Sana Ke Baa’d Farmate Yaad Rakho Behtareen Baat Allah Ta’ala Kee Kitaab Hai Aur Behtareen Seerat Muhammad Mustafa ﷺ Kee Seerat Hai Aur Bad Tareen Kaam Ibaadat Ke Naye Tareeqe (Nikaalna) Hain Aur Ibaadat Ka Har Naya Tareeka Hai Phir Farmate : Har Momin Kee Jaan Par Tasarruf Ka Sab Se Ziyaada Haqq Daar Mein Hoo’n. Jis Shakhs Ne Maal Chhoda Woh Is Ke Waarison Ka Hai Aur Jis Ne Qarz Ya Ahlo Ayaal Ko Chhoda Woh Mere Zimme Hain.”
–
[Muslim Fi As-Sahih, 02/592, Raqm-867,

Nasa’i Fi As-Sunan, 03/188, Raqm-1578,

Nasa’i Fi As-Sunan-ul-Kubra, 01/550, Raqm-1786,

Ibn Majah Fi As-Sunan, 01/17, Raqm-45,

Ahmad Bin Hanbal Fi Al-Musnad, 03/310, Raqm-14373,

Ibn Hibban Fi As-Sahih, 01/186, Raqm-10,

Darami Fi As-Sunan, 01/80, Raqm-206,

Ibn Rashid Fi Al-Jaame’, 11/159,

Tabarani Fi Al-Mu’jam-ul-Awsat, 03/160, Raqm-9418,

Tabarani Fi Al-Mu’jam-ul-Kabir, 03/100, Raqm-8531,

Bayhaqi Fi As-Sunan-ul-Kubra,, 03/206, Raqm-5544,

Aboo Ya’la Fi Al-Musnad, 04/85, 90, Raqm-2111, 2119,

Ibn Jarood Fi Kitab Al-Muntaqa, 01/83, Raqm-297,

Mundhiri Fi At-Targhibu Wa At-Tarhibu Mina Al-Hadith Ash-Sharif, 01/44, Raqm-78,

Amthal-ul-Hadith, 01/22, Raqm-08,

Al-Minhaj-us-Sawi Mina Al-Hadith-in-Nabawi ﷺ, Safha-758, 759, Raqm-862.]

14/863. “Hazrat ‘Abd Allah Bin Abbas RadiyAllahu Ta’ala ‘Anhuma Se Marwi Hai Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Ek Roz Khutba Dete Hu’e Farmaya : Aye Logo’n! Tum Baroze Hashr Allah Ta’ala Bargah Me Yoo’n Haazir Ki’e Jaa’oge Ki Barahna Pa, Nange Jism Aur Baghair Khatna Ke Hoge. Phir Aap SallAllahu Ta’ala ‘Alayhi Wa-Aalihi Wa-Sallam Ne Yeh Aayat Padhi : “Jis Tarah Hum Ne (Kaa’enaat Ko) Pehli Baar Paida Kiya Tha Hum (Us Ke Khatm Ho Jaane Ke Baa’d) Isi Amale Takhleeq Ko Dohraayenge. Yeh Waada Poora Karna Hum Ne Laazim Kar Liya Hai. Hum (Iaada) Zaroor Karne Waale Hain. Phir Aap SallAllahu Ta’ala ‘Alayhi Wa-Aalihi Wa-Sallam Ne Farmaya : Saari Makhlooq Me Sab Se Pehle Jinhe’n Libaas Pehnaaya Jaa’ega Woh Hazrat Ibrahim ‘Alayh-is-Salam Hain. Khabardaar Ho Jaao Ki Phir Meri Ummat Ke Kuchh Logo’n Ko Laaya Jaa’ega Firishte Unhe’n Jahannum Kee Taraf Ha’nkenge. Mein Arz Karoo’nga : Aye Rabb! Yeh To Mere Saathi Hain. Farmaya Jaa’ega! Aap Ko Ma’loom Nahin Ki Aap Ke Baa’d Yeh Kya Gul Khilaate Rahe. Pas Mein Bhi Wohi Kahunga Jo Allah Ta’ala Ke Ek Nek Bande Hazrat Isa ‘Alayh-is-Salam Ne Kaha : ˝Aur Mein In (Ke Aqa’ido Aamaal) Par (Us Waqt Tak) Khabardaar Raha Jab Tak Mein Un Logo’n Me Maujood Raha. Phir Jab Tum Me Mujhe Utha Liya To Too Hee (Un Ke Haalaat) Par Nigehbaan Tha˝. Pas Kaha Jaa’ega Jaise Hee Aap In Se Juda Hu’e They Yeh Usee Waqt Murtad Ho Ga’e They.”

Muttafaque ‘Alayh
–
[Bukhari Fi As-Sahih, 04/1691, Raqm-4349,

Bukhari Fi As-Sahih, 04/1766, Raqm-4463,

Bukhari Fi As-Sahih, 05/2391, Raqm-6161,

Muslim Fi As-Sahih, 04/2194, Raqm-2860,

Tirmidhi Fi As-Sunan, 04/117, Raqm-2087,

Ahmad Bin Hanbal Fi Al-Musnad, 01/235, Raqm-2096,

Al-Minhaj-us-Sawi Mina Al-Hadith-in-Nabawi ﷺ, Safha-759, 760, Raqm-863.]

15/864. Hudhayfah RadiyAllahu Ta’ala ‘Anhu Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Se Riwayat Karte Hain Ki Aap SallAllahu Ta’ala ‘Alayhi Wa-Aalihi Wa-Sallam Ne Farmaya : Allah Ta’ala Bid’ati Ka Roza, Namaz, Hajj, Umrah, Jihaad Aur Koi Farzo Nafl (‘Ibadat Qubool Nahin Farmata, Woh Islam Me Se Yoo’n Khaarij Ho Jaata Hai Jaise Aate Se Baal Khaarij Ho Jaata Hai.

Aur Imam Ibn Majah Aur Imam Ibn Abi ‘Asim Ne ˝Kitab-us-Sunnah˝ Me Hazrat ‘Abd Allah Bin Abbas RadiyAllahu Ta’ala ‘Anhuma Kee Riwayat Bayan Kee. Un Ke Alfaaz Yeh Hai : Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Farmaya : Allah Ta’ala Ne Kisi Bid’ati Ke Amal Ko Qubool Karne Se Inkaar Kar Diya Hai Jab Tak Ki Woh Bid’at Na Chhod De.

Aur Ek Riwayat Me Hazrat Anas RadiyAllahu Ta’ala ‘Anhu Ne Bayan Kiya Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Farmaya Be Shak Allah Ta’ala Kisi Bid’ati Kee Tawba Qubool Nahin Farmata Jab Tak Ki Woh Us (Irtikaabe Bid’at) Se Baa’z Nahin Aa Jaata.”

رواه ابن عاصم والطبراني بإسناد حسن والبيهقي.
–
[Ibn Majah Fi As-Sunan, 01/19, Raqm-49, 50,

Ibn Abi ‘Asim Fi As-Sunnah, 01/21, 22,

Tabarani Fi Al-Mu’jam-ul-Awsat, 04/281, Raqm-4202,

Bayhaqi Fi Shu’ab-ul-Iman, 05/449, Raqm-7238,

Bayhaqi Fi Shu’ab-ul-Iman, 07/59, Raqm-9456,

Ibn Rahwayh Fi Al-Musnad, 01/377, Raqm-397,

Maqdisi Fi Al-Ahadith-ul-Mukhtarah,06/72, Raqm-2054, 2055,

إسناده حسن ،

Daylami Fi Musnad-ul-Firdaws, 02/143, Raqm-2732,

Mundhiri Fi At-Targhibu Wa At-Tarhibu Mina Al-Hadith Ash-Sharif, 01/45, Raqm-87,

وقال : إسناده حسن،

Ibn Hibba Fi Tabaqat Al-Muhaddithin Bi-Asbahan, 03/609,

Mizzi Fi Tahdhib-ul-Kamal Fi Asma’-ir-Rijal, 26/374,

Ibn Hajar ‘Asqalani Fi Tahdhib-ut-Tahdhib, 09/381,

Haythami Fi Majma’-uz-Zawa’id Wa Manba’-ul-Fawa’id, 10/189,

وقال : ورجاله موثقون،

Munawi Fi Fayd-ul-Qadir, 02/200,

Qurtubi Fi Al-Jaame’ Li-Ahkam Al-Qur’an (Tafsir Al-Qurtubi), 18/199,

Kinani Fi Misbah Al-Zujajah Fi Zawa’id Ibn Majah, 01/11, Raqm-19,

Al-Minhaj-us-Sawi Mina Al-Hadith-in-Nabawi ﷺ, Safha-760, 761, Raqm-864.]

Al-Minhaj-us-Sawi Mina Al-Hadith-in-Nabawi SallAllahu ‘Alayhi Wa-Aalihi Wa-Sallam, Baab-13 : ﴾Sunnate Nabawi ﷺ Ko Mazbooti Se Thaame Rakhne Ka Bayan﴿

Bid’ate Hasanah Aur Sunnat Se Us Kee Asl Ke Suboot Ka Bayan

Posted on January 21, 2017July 1, 2017 by Diwan Mohsin Shah

Fasl-03 :

Bid’ate Hasanah Aur Sunnat Se Us Kee Asl Ke Suboot Ka Bayan

16/865. “Hazrat Aaishah RadiyAllahu Ta’ala ‘Anha Se Riwayat Hai Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Wisaal Se Pehle Bakasarat Yeh Kalimaat Farmate They (سُبْحاَنَكَ اللَّهُمَّ رَبَّنَا وَبِحَمْدِكَ، أَسْتَغْفِرُكَ وَأَتُوْبُ إِلَيْكَ) Mein Ne Arz Kiya : Ya RasoolAllah ﷺ! Ab Aapne Yeh Naye Kalimaat Kyun Padhne Shuroo Kar Di’e Jinhein Mein Aap Ko Padhte Hu’e Dekhti Hoo’n. Aap SallAllahu Ta’ala ‘Alayhi Wa-Aalihi Wa-Sallam Ne Farmaya : Allah Ta’ala Ne Meri Ummat Kee Ek Alaamat Mukarrar Kar Rakhee Hai Jab Mein Ummat Me Is Alaamat Ko Dekhta Hoo’n To Soorah (إِذَا جَاءَ نَصْرُ اللَّهِ وَالْفَتْحُ) Padhta Hoo’n (Is Soorat Me Jo Hukm Hai Us Par Amal Karta Hoo’n).”
–
[Muslim Fi As-Sahih,01/351, Raqm-484,

Ibn Abi Shaybah Fi Al-Musannaf, 06/42, Raqm-29332,

Aboo Nu’aym Fi Al-Musnad Al-Mustakhraj, 02/98, Raqm-1076,

Tabarani Jaame’-ul-Bayan, 30/334,

Al-Minhaj-us-Sawi Mina Al-Hadith-in-Nabawi ﷺ, Safha-762, Raqm-865.]

17/866. “Hazrat Raafi’ Bin Khudeej RadiyAllahu Ta’ala ‘Anhu Se Marwi Hai Ki Sahaba-e Kiram Ridwanu Allahi Ta’ala ‘Alayhim Ajma’iyn Jab Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ke Gird Jam’a Hote Aur Aap SallAllahu Ta’ala ‘Alayhi Wa-Aalihi Wa-Sallam (Majlis Khatm Hone Ke Baa’d) Uthne Lagte To Farmate : ˝Aye Allah! Tere Liye Hee Paaki Hai Aur Tere Liye Hee Tamam Taareefein Hain. Mein Gawahi Deta Hoo’n Ki Tere Siwa Koi Ma’bood Nahin. Mein Tujh Se Maghfirat Talab Karta Hoo’n Aur Teri Taraf Hee Rujooa Karta Hoo’n, Khwaah Mein Ne Koi Bura Amal Kiya Hai Ya Apne Oopar Zulm Kiya Hai. Phir Too Mujhe Bakhsh De Yaqeenan Tere Siwa Koi Bhi Gunaah Maaf Nahin Kar Sakta. To Hum Ne Az Kiya : Ya RasoolAllah ﷺ! Aapne Yeh Naye Kalimaat Padhe Hain. Farmaya : ˝Ha’n! Abhi Mere Paas Jibra’il Aa’e They, Mujh Se Kaha : Aye Muhammad Mustafa ﷺ! Yeh Alfaz Majaalis Ka Kaffara Hain.”

رواه النساءي والحاكم وصححه.

وقال المنذرى: رواه الطبراني في الثالثة باختصار بإسناد جيد.
–
[Nasa’i Fi As-Sunan-ul-Kubra, 06/113, Raqm-1020,

Nasa’i Fi As-Sunan-ul-Kubra, 01/320, Raqm-427,

Hakim Fi Al-Mustadrak, 01/721, Raqm-1972,

Mundhiri Fi At-Targhibu Wa At-Tarhibu Mina Al-Hadith Ash-Sharif, 02/264, Raqm-2339,

Al-Minhaj-us-Sawi Mina Al-Hadith-in-Nabawi ﷺ, Safha-762, 763, Raqm-866.]

18/867. “Hazrat Mujahid RadiyAllahu Ta’ala ‘Anhu Se Riwayat Hai Ki Mein Aur Hazrat Urwa Bin Jubair RadiyAllahu Ta’ala ‘Anhuma Masjid Me Daakhil Hu’e To Waha’n Hazrat ‘Abd Allah Bin ‘Umar RadiyAllahu Ta’ala ‘Anhuma Hazrat Aaishah RadiyAllahu Ta’ala ‘Anha Hujare Ke Paas Baithe Hu’e They Aur Log Masjid Me Chaast Kee Namaz Padh Rahe They. Hum Ne Un Logo’n Kee Namaz Ke Muta’alliq Poochha To Unhone Farmaya : Bid’at (Hasana) Hai.”

Muttafaque ‘Alayh
–
[Bukhari Fi As-Sahih, 02/230, Raqm-1685,

Muslim Fi As-Sahih, 02/917, Raqm-1255,

Ibn Khuzaymah Fi As-Sahih, 04/358, Raqm-3070,

Ibn Hibban Fi As-Sahih, 09/269, Raqm-3945,

Ahmad Bin Hanbal Fi Al-Musnad, 02/128, Raqm-6126,

Ibn Abi Shaybah Fi Al-Musannaf, 02/172, Raqm-616,

Ibn Rahwayh Fi Al-Musnad, 03/614, Raqm-1187,

Ibn Hajar ‘Asqalani Fi Fat’h-ul-Bari Sharh Sahih Al-Bukhari,03/52, Raqm-1121,

Mubarkfoori Fi Tuhfat-ul-Ahwadhi Bi-Sharh Jaame’ At-Tirmidhi, 04/05,

Nawawi Fi Sharh Sahih Muslim, 08/237,

Zayla’iy Fi Nasb-ur-Rayah Takhrij Ahadith Al-Hidayah, 03/94,

Al-Minhaj-us-Sawi Mina Al-Hadith-in-Nabawi ﷺ, Safha-763, 764, Raqm-867.]

19/868. “Hazrat Aarij RadiyAllahu Ta’ala ‘Anhu Riwayat Karte Hain Ki Mein Ne Hazrat ‘Abd Allah Bin ‘Umar RadiyAllahu Ta’ala ‘Anhuma Se Namaze Chaasht Ke Muta’alliq Sawal Kiya Jab Woh Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ke Huzara-e Mubarak Kee Pusht Se Tek Lagaaye Baithe They. To Unhone Farmaya : Bid’at Aur Bohat Hee Achchhi Bid’at Hai.”

رواه ابن أبي شيبة بإسناد صحيح.
–
[Ibn Abi Shaybah Fi Al-Musannaf, 02/172, Raqm-7775,

Ibn Hajar ‘Asqalani Fi Fat’h-ul-Bari Sharh Sahih Al-Bukhari,03/52, Raqm-1121,

Al-Minhaj-us-Sawi Mina Al-Hadith-in-Nabawi ﷺ, Safha-764, Raqm-868.]

20/869. “Hazrat ‘Abd-ir-Rahman Bin ‘Abd-il-Qari Riwayat Karte Hain Ki Mein Hazrat ‘Umar RadiyAllahu Ta’ala ‘Anhu Ke Saath Ramzan Ki Ek Raat Masjid Ki Taraf Nikala To Log Mutfarriq They Koi Tanha Namaz Padh Raha Tha Aur Koi Giroh Ke Saath. Hazrat ‘Umar RadiyAllahu Ta’ala ‘Anhu Ne Farmaya : Mere Khayal Me Unhe’n Ek Qaari Ke Peechhe Jam’a Kar Diya Jaa’e To Achchha Hoga Pas Hazrat Abi Bin Qa’ab RadiyAllahu Ta’ala ‘Anhu Ke Peechhe Sab Ko Jam’a Kar Diya Gaya Phir Mein Ek Doosri Raat Ko Un Ke Saath Nikala Aur Log Apne Qaari Ke Peechhe Namaz Padh Rahe They. Hazrat ‘Umar RadiyAllahu Ta’ala ‘Anhu Ne Farmaya : Yeh Kitni Achchhi Bid’at Hai, Aur Jis Namaz (Tahajjud) Se Yeh So’e Rehte Hain Us Se Behtar Hai Jis Ka Qiyaam Karte Hain (Ya’ni Taraweeh Se). Muraad Hai Aakhir Raat Jab Ki Log Raat Ke Pehle Pahar Qiyaam Karte They. (Ya’ni Tahajjud Kee Namaz Taraweeh Se Afzal Hai.)”
–
[Bukhari Fi As-Sahih, 02/707, Raqm-1906,

Malik Fi Al-Muwatta’, 01/114, Raqm-650,

Ibn Khuzaymah Fi As-Sahih, 02/155, Raqm-155,

Abd-ur-Razzaq Fi Al-Musannaf, 04/258, Raqm-7723,

Bayhaqi Fi As-Sunan-ul-Kubra,, 12, 493, Raqm-4378,

Bayhaqi Fi Shu’ab-ul-Iman, 03/177, Raqm-3269,

Al-Minhaj-us-Sawi Mina Al-Hadith-in-Nabawi ﷺ, Safha-764, 765, Raqm-869.]

21/870. “Hazrat Jareer Bin ‘Abd Allah RadiyAllahu Ta’ala ‘Anhu Riwayat Karte Hain Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Farmaya : Jo Shakhs Islam Me Kisi Nek Kaam Ki Bunyaad Daale To Us Ke Liye Us Ke Liye Us Ke Apne Aamaal Ka Bhi Sawaab Milta Hai Aur Jo Log Us Ke Baa’d Us Par Amal Karenge Us Ka Sawaab Bhi Hai. Baghair Is Ke Ki Un Ke Sawaab Me Koi Kami Kee Jaa’e Aur Jis Ne Islam Me Kisi Buri Baat Ki Ibtida Ki To Us Par Us Ke Apne Aamaal Ka Bhi Gunaah Hai Aur Jo Log Us Ke Baa’d Us Par Amal Karenge Us Par Un Ka Gunaah Bhi Hai Baghair Is Ke Ki Un Ke Gunaah Me Kuchh Kami Ho.”
–
[Muslim Fi As-Sahih, 02/704, Raqm-Raqm-1017,

Muslim Fi As-Sahih, 04/2059, Raqm-1017,

Nasa’i Fi As-Sunan, 05/75, Raqm-2554,

Ibn Majah Fi As-Sunan, 01/74, 75, Raqm-203, 206, 207,

Ahmad Bin Hanbal Fi Al-Musnad, 04/358,

Darami Fi As-Sunan, 01/140, Raqm-512,

Bazzar Fi Al-Musnad, 07/366, Raqm-2963,

Al-Minhaj-us-Sawi Mina Al-Hadith-in-Nabawi ﷺ, Safha-765, 766, Raqm-870.]

22/871. “Hazrat Aboo Hurayrah RadiyAllahu Ta’ala ‘Anhu Se Riwayat Hai Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Farmaya : Jis Ne Hidaayat Kee Taraf Bulaaya Us Ke Liye Us Raaste Par Chalne Waalo’n Kee Misl Sawaab Hai Aur Un Ke Sawaab Me Se Kuchh Bhi Kam Na Hoga Aur Jis Ne Gunaah Kee Daawat Di Us Ke Liye Bhi Utna Gunaah Hai Jitna Us Bad=Amali Ka Murtakib Hone Waalo’n Par Hai Aur Un Ke Gunaaho’n Me Bhi Koi Kami Nahin Hogi.”
–
[Muslim Fi As-Sahih, 04/2060, Raqm-2674,

Tirmidhi Fi As-Sunan, 05/43, Raqm-2674,

Aboo Dawud Fi As-Sunan, 04/201, Raqm-6409,

Ibn Majah Fi As-Sunan, 01/75, Raqm-205, 206,

Ibn Hibban Fi As-Sahih, 01/318, Raqm-112,

Darami Fi As-Sunan, 01/141, Raqm-513,

Ahmad Bin Hanbal Fi Al-Musnad, 02/397, 9149,

Aboo ‘Awanah Fi Al-Musnad, 03/494, Raqm-5823,

Aboo Ya’la Fi Al-Musnad, 11/373, Raqm-6489,

Lalaka’i Fi I’tiqad Ahl As-Sunnah, 01/52, Raqm-06,

Ibn Abi ‘Asim Fi As-Sunnah, 01/52, Raqm-113,

Al-Minhaj-us-Sawi Mina Al-Hadith-in-Nabawi ﷺ, Safha-766, Raqm-871.]

23/872. “Hazrat Jareer Bin ‘Abd Allah RadiyAllahu Ta’ala ‘Anhu Se Riwayat Hai Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Farmaya : Jis Ne Koi Achchha Tareeqa Jaari Kiya Phir Us Par Amal Kiya Gaya To Us Ke Liye Apna Sawaab Bhi Hai Aur Use Amal Karne Waalo’n Ke Baraabar Sawaab Bhi Milega. Jab Ki Un Ke Sawaab Me Koi Kami (Bhi) Na Hogi Aur Jis Ne Koi Bura Tareeka Jaari Kiya. Phir Woh Tareeqa Apnaaya Gaya To Us Ke Liye Apna Gunaah Bhi Hai Aur Un Logo’n Ke Gunaah Ke Baraabar Bhi Jo Us Par Amal Paira Hu’e. Baghair Us Ke Ki Un Ke Gunahon Me Kuchh Kami Ho.”

رواه الترمزي.

وقال أبو عيس : هذا حديث حسن صحيح.
–
[Tirmidhi Fi As-Sunan, 05/43, Raqm-2675,

Ibn Hajar ‘Asqalani Fi Fat’h-ul-Bari Sharh Sahih Al-Bukhari,13/302,

Mubarkfoori Fi Tuhfat-ul-Ahwadhi Bi-Sharh Jaame’ At-Tirmidhi, 07/365,

Ibn Hazm Fi Al-Muhalla, 08/116,

Ibn Hazm Fi Al-Ihkamu Fi Usool-il-Ahkam,01/11,

Al-Minhaj-us-Sawi Mina Al-Hadith-in-Nabawi ﷺ, Safha-767, Raqm-872.]

24/873. “Hazrat Bilal Bin Haaris RadiyAllahu Ta’ala ‘Anhu Se Riwayat Hai Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Farmaya : Jis Ne Mere Baa’d Koi Aisee Sunnat Zinda Kee Jo Murda Ho Chuki Thi. To Us Ke Liye Bhi Utna Hee Ajr Hoga Jitna Us Par Deegar Amal Karne Waalo’n Ke Liye. Baawajood Is Ke Un Ke Ajro Sawaab Me Koi Kami Nahin Aayegi Aur Jis Ne Gumraahi Kee Bid’at Nikaali Jise Allah ‘Azza Wa Jalla Aur Us Ka Rasool SallAllahu Ta’ala ‘Alayhi Wa-Aalihi Wa-Sallam Pasand Nahin Karte To Us Par Utna Hee Gunaah Hai Jitna Us Buraa’i Ka Deegar Irtikaab Karne Waalo’n Par Hai Aur Us Se Un Ke Gunaaho’n Ke Bojh Me Bilkul Kami Nahin Aayegi.”

رواه الترمزي وابن ماجه.

وقال الترمزي : هذا حديث حسن.
–
[Tirmidhi Fi As-Sunan, 05/45, Raqm-2677,

Ibn Majah Fi As-Sunan, 01/76, Raqm-209, 210,

Bazzar Fi Al-Musnad, 08/314, Raqm-3385,

Tabarani Fi Al-Mu’jam-ul-Kabir, 17/16, Raqm-10,

Bayhaqi Fi Al-I’tiqad,01/231,

Mundhiri Fi At-Targhibu Wa At-Tarhibu Mina Al-Hadith Ash-Sharif, 01/49, Raqm-97,

Al-Minhaj-us-Sawi Mina Al-Hadith-in-Nabawi ﷺ, Safha-767, 768, Raqm-873.]

25/874. “Hazrat ‘Abd Allah Bin Mas’ood RadiyAllahu Ta’ala ‘Anhu Se Riwayat Hai Ki Unhone Farmaya : Jis (Amal) Ko Koi (Ek) Momin Achchha Jaane Woh (Amal) Allah Ta’ala Ke Nazdeek Bhi Achchha Hai Aur Jis Amal Ko Momineen Bura Jaane Woh Khuda Ke Nazdeek Bhi Bura Hai.”
–
[Bazzar Fi Al-Musnad, 05/212, Raqm-1816,

Tabarani Fi Al-Mu’jam-ul-Kabir, 09/112, Raqm-8583,

Ahmad Bin Hanbal Fi Al-Musnad, 01/379, Raqm-3600,

Hakim Fi Al-Mustadrak, 03/83, Raqm-4465,

Aboo Nu’aym Fi Hilyat-ul-Awliya’ Wa Tabaqat-ul-Asfiya’,01/375,

Bayhaqi Fi Al-Madkhal Ila As-Sunan-ul-Kubra, 01/114,

Bayhaqi Fi Al-I’tiqad, 01/322,

Tayalisi Fi Al-Musnad, 01/33, Raqm-246,

Ibn Rajab Hanbali Fi Jaame’-ul-Uloomi Wa Al-Hikam Fi Sharh Khamsina Hadithan Min Jawami’ Al-Kalim, 01/254,

Al-Minhaj-us-Sawi Mina Al-Hadith-in-Nabawi ﷺ, Safha-768, Raqm-874.]