Author: Diwan Mohsin Shah

Posted in Al-Sayf-ul-Jali ‎‘Ala‎ Munkiri Wilayati ‘Ali KarramAllahu Ta’ala Waj’hah-ul-Karim

Al-Sayf-ul-Jali ‘Ala Munkiri Wilayati ‘Ali ‎RadiyAllahu ‘Anhu : 04

Posted on by Diwan Mohsin Shah

Hadith Number : 04

“Bara’ Bin ‘Aazib RadiyAllahu Ta’ala ‘Anhu Riwayat Karte Hain Ki Hum Ne Rasool Allah SallAllahu Ta’ala ‘Alayhi Wa-Aalihi Wa-Sallam Ke Saath Hajj Ada Kiya, Aap SallAllahu Ta’ala ‘Alayhi Wa-Aalihi Wa-Sallam Ne Raaste Me Ek Jagah Qiyaam Farmaya Aur Namaz Ba-Jama’at (Qaayim Karne) Ka Hukm Diya, Us Ke Baa’d Hazrat ‘Ali KarramAllahu Ta’ala Waj’hah-ul-Karim Ka Haath Pakad Kar Farmaya : ˝Kya Mein Momineen Kee Jaano’n Se Qarib Tar Nahin Hoo’n? Unhone Jawaab Diya : Kyun Nahin! Aap SallAllahu Ta’ala ‘Alayhi Wa-Aalihi Wa-Sallam Ne Farmaya : ˝Kya Mein Har Momin Kee Jaan Se Qarib Tar Nahin Hoo’n? Unhone Jawab Diya : Kyoon Nahin! Aap SallAllahu Ta’ala ‘Alayhi Wa-Aalihi Wa-Sallam Ne Farmaya : “Pas Yah Us Ka Wali Hai Jis Ka Mein Mawla Hoo’n. Aye Allah! Jo Ise Dost Rakkhe Use Too Dost Rakkh (Aur) Jo Is Se Adaawat Rakkhe Us Se Too Adaawat Rakkh.”
–
[1-Ibn Majah Fi As-Sunan, 01/88, Al-Muqaddimah, Raqam-112,

2-Ibn Abi ‘Asim Ne “Kitab-us-Sunnah (Saf’h-603, Raqam-1362)” Me Mukhtasaran Zikr Kee Hai,

3-Ibn Kathir Fi Al-Bidayah Wa An-Nihayah, 04/168,

4-Hisam-ud-Deen Hindi Fi Kanz-ul-’Ummal, 11/602, Raqam-32904,

5-Ibn ‘Asakir Fi Tarikh Dimashq Al-Kabir (Tarikh Ibn ‘Asakir), 45/167, 168,

Yah Hadith Sahih Hai.]

Posted in Al-Sayf-ul-Jali ‎‘Ala‎ Munkiri Wilayati ‘Ali KarramAllahu Ta’ala Waj’hah-ul-Karim

Al-Sayf-ul-Jali ‘Ala Munkiri Wilayati ‘Ali ‎RadiyAllahu ‘Anhu : 05

Posted on by Diwan Mohsin Shah

Hadith Number : 05

“Bara’ Bin ‘Aazib RadiyAllahu Ta’ala ‘Anhu Se Riwayat Hai Hum Rasoole Akram SallAllahu Ta’ala ‘Alayhi Wa-Aalihi Wa-Sallam Ke Saath Safar Par They, (Raaste Me) Hum Ne Ghadir Khum Me Qiyaam Kiya. Waha’n Nida Dee Ga’i Ki Namaz Khadi Ho Ga’i Hai Aur Rasoole Akram SallAllahu Ta’ala ‘Alayhi Wa-Aalihi Wa-Sallam Ke Li’e Do² Darakhto’n Ke Neeche Safaa’i Kee Ga’i, Pas Aap SallAllahu Ta’ala ‘Alayhi Wa-Aalihi Wa-Sallam Ne Namaze Zuhr Ada Kee Aur Hazrat ‘Ali KarramAllahu Ta’ala Waj’hah-ul-Karim Ka Haath Pakad Kar Farmaya : ˝Kya Tumhein Ma’loom Nahin Ki Mein Momino’n Kee Jaano’n Se Bhi Qarib Tar Hoo’n? Unhone Kaha : Kyon Nahin! Aap SallAllahu Ta’ala ‘Alayhi Wa-Aalihi Wa-Sallam Ne Farmaya : ˝Kya Tumhein Ma’loom Nahin Ki Mein Har Momin Kee Jaan Se Bhi Qarib Tar Hoo’n? Unhone Kaha : Kyoon Nahin! Raawi Kahta Hai Ki Phir Aap SallAllahu Ta’ala ‘Alayhi Wa-Aalihi Wa-Sallam Ne Hazrat ‘Ali KarramAllahu Ta’ala Waj’hah-ul-Karim Ka Haath Pakad Kar Farmaya : ˝Jis Ka Mein Mawla Hoo’n Us Ka ‘Ali Mawla Hai. Aye Allah! Use Too Dost Rakkh Jo Ise (‘Ali KarramAllahu Ta’ala Waj’hah-ul-Karim Ko) Dost Rakkhe Aur Us Se Adaawat Rakkh Jo Is Se Adaawat Rakkhe.” Raawi Kahta Hai Ki Is Ke Baa’d Hazrat ‘Umar RadiyAllahu Ta’ala ‘Anhu Ne Hazrat ‘Ali KarramAllahu Ta’ala Waj’hah-ul-Karim Se Mulaqat Kee Aur Un Se Kaha : ˝Aye Ibn Abi Talib! Mubarak Ho, Aap Sub’h-o-Sham (Ya’ni Hamesha Ke Li’e) Har Momin Wa Mominah Ke Li’e Mawla Ban Ga’e.”
–
[1-Ahmad Bin Haal Ne “Al-Musnad (04/281)” Me Bara’ Bin Abi RadiyAllahu Ta’ala ‘Anhuma Se Yeh Hadith Do² Mukhtalif Isnaad Se Bayan Kee Hai.

2-Ibn Abi Shaybah Fi Al-Musannaf, 12/78, Raqam-12167,

3-Muhibb Tabari Fi Dhakha’ir-ul-Uqba Fi Manaqibi Dhawi-‘l-Qurba,/125,

4-Muhibb Tabari Fi Ar-Riyad-un-Nadirah Fi Manaqib-il-‘Ashrah, 03/126, 127,

5-Munawi Ne “Fayd-ul-Qadir (06/217)” Me Likha Hai Ki Jab Hazrat Aboo Bakr Wa ‘Umar RadiyAllahu Ta’ala ‘Anhuma Ne Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ka Qaul “ مَنْ كُنْتُ مَوْﻻَهُ فَعَلِىُّ مَوْﻻَهُ ” Suna To (Hazrat ‘Ali KarramAllahu Ta’ala Waj’hah-ul-Karim Se) Kaha : “Aye Aboo Talib Ke Bete! Aap Sub’h Wa Shaam (Ya’ni Hamesha Ke Li’e) Har Momin Aur Mominah Ke Mawla Qaraar Paaye.”

6-Hisam-ud-Deen Hindi Fi Kanz-ul-’Ummal, 13/133, 134, Raqam-36420,

7-Ibn ‘Asakir Fi Tarikh Dimashq Al-Kabir (Tarikh Ibn ‘Asakir), 45/167, 168,

8-Imam Ahmad Bin Hanbal Ne Apni Kitab “Fada’il-us-Sahabah (02/610, Raqam-1042)” Me Sayyidina ‘Umar Farooqe RadiyAllahu Ta’ala ‘Anhu Waali Haizi Me In Alfaaz Ka Izaafa Kiya Hai Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Farmaya :و عاد من عاده و أنصر من نصره، و أحب من أحب.
قال شعبة : أو قال : و ابغض من أبغضه  “(Aye Allah!) Jo (‘Ali) Se Adaawat Rakkhe Us Se Too Adaawat Rakkh Jo (‘Ali) Kee Madad Kare Us Kee Too Madad Farma, Jo Is Se Muhabbat Kare Too Us Se Muhabbat Kar. Shu’bah Ka Kahna Hai Ki Is Kee Jagah Huzoor SallAllahu Ta’ala ‘Alayhi Wa-Aalihi Wa-Sallam Ne Farmaya : Jo (‘Ali) Se Bughz Rakkhe Too (Bhi) Us Se Bughz Rakkh.

9-Ibn Athir Fi Usd-ul-Ghabah Fi Ma’rifat-is-Sahabah, 04/103,

10-Dhahabi Ne Siyar A’lam-in-Nubala’ (02/623, 624)” Me Kaha Hai Ki Hazrat ‘Umar RadiyAllahu Ta’ala ‘Anhu Ne ‘هنيئا يا على’ ‘(Aye ‘Ali! Aap Ko Mubarak Ho)’ Ke Alfaaz Kahe.

11-Ibn Kathir Fi Al-Bidayah Wa An-Nihayah, 04/169,

12-Ibn Kathir Fi Al-Bidayah Wa An-Nihayah, 05/464.]

Posted in Al-Sayf-ul-Jali ‎‘Ala‎ Munkiri Wilayati ‘Ali KarramAllahu Ta’ala Waj’hah-ul-Karim

Al-Sayf-ul-Jali ‘Ala Munkiri Wilayati ‘Ali ‎RadiyAllahu ‘Anhu : 06

Posted on by Diwan Mohsin Shah

Hadith Number : 06

“Hazrat Ibn Buraydah RadiyAllahu Ta’ala ‘Anhu Apne Waalid Se Riwayat Karte Hain Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Farmaya : “Jis Ka Mein Wali Hoo’n, Us Ka ‘Ali Wali Hai.”
–
[1-Ahmad Bin Hanbal Fi Al-Musnad, 05/361,

2-Ahmad Bin Hanbal Fi Fada’il-us-Sahabah, 02/563, Raqam-947,

3-Ibn Abi ‘Asim Fi Kitab-us-Sunnah,/601, 603, Raqam-1351, 1366,

4-Hakim Fi Al-Mustadrak, 02/131, Raqam-2589,

5-Ibn Abi Shaybah Fi Al-Musannaf, 12/57, Raqam-12114,

6-Tabarani Fi Al-Mu’jam-ul-Kabir, 05/166, Raqam-4968,

7-Tabarani Fi Al-Mu’jam-ul-Awsat, 03/100, 101, Raqam-2204,

8-Haythami Fi Majma’-uz-Zawa’id Wa Manba’-ul-Fawa’id, 09/108,

9-Ibn ‘Asakir Fi Tarikh Dimashq Al-Kabir (Tarikh Ibn ‘Asakir), 45/143,

10-Ibn ‘Asakir Yeh Hadith “Tarikh Dimashq Al-Kabir (45/142)” Me Sayyidah Fatimah RadiyAllahu Ta’ala Anha Se Bhi Riwayat Kee Hai.

11-Hisam-ud-Deen Hindi Fi Kanz-ul-’Ummal, 11/602, Raqam-32905,

12-Yahi Hadith Zara Mukhtalif Alfaaz Ke Saath Hisam-ud-Deen Hindi Ne “Kanz-ul-’Ummal (15/168, 169, Raqam-36511)” Me Hazrat ‘Ali KarramAllahu Ta’ala Waj’hah-ul-Karim Se Naqal Kee Hai Aur Kaha Hai Ki Ise Ibn Rahwayh Aur Ibn Jarir Ne Riwayat Kiya Hai.]

Posted in Al-Sayf-ul-Jali ‎‘Ala‎ Munkiri Wilayati ‘Ali KarramAllahu Ta’ala Waj’hah-ul-Karim

Al-Sayf-ul-Jali ‘Ala Munkiri Wilayati ‘Ali ‎RadiyAllahu ‘Anhu : 07

Posted on by Diwan Mohsin Shah

Hadith Number : 07

“Hazrat Zayd Bin Arqam RadiyAllahu Ta’ala ‘Anhu Se Riwayat Hai Ki Jab Rasoole Akram SallAllahu Ta’ala ‘Alayhi Wa-Aalihi Wa-Sallam Hijjat-ul-Wada’ Se Waapas Tashrif Laa’e To Ghadir Khum Par Qiyaam Farmaya. Aap SallAllahu Ta’ala ‘Alayhi Wa-Aalihi Wa-Sallam Ne Saa’ebaan Lagaane Ka Hukm Diya Aur Woh Laga Di’e Ga’e Phir Farmaya : “Mujhe Lagta Hai Ki Anqarib Mujhe (Wisaal) Ka Bulaawa Aane Ko Hai, Jise Mein Qubool Kar Lunga. Tehqiq Mein Tumhare Darmiyan Do² Aham Chizein Chhod Kar Ja Raha Hoo’n, Jo Ek Doosre Se Badh Kar Ahmiyyat Kee Haamil Hain : Ek Allah Kee Kitab Aur Doosri Meri Aal. Ab Dekhna Yeh Hai Ki Mere Baa’d Tum In Dono’n Ke Saath Kya Sulooq Karte Ho Aur Woh Ek Doosre Se Juda Na Hongi, Yaha’n Tak Ki Hawze(Kawthar) Par Mere Saamne Aayengi.” Phir Farmaya : “Be Shak Allah Mera Mawla Hai Aur Mein Har Momin Ka Mawla Hoo’n” Phir Hazrat ‘Ali KarramAllahu Ta’ala Waj’hah-ul-Karim Ka Haath Pakad Kar Farmaya : “Jis Ka Mein Mawla Hoo’n, Us Ka Yeh Wali Hai, Aye Allah! Jo Ise (‘Ali Ko) Dost Rakkhe Use Too Dost Rakkh Aur Jo Is Se Adaawat Rakkhe Us Se Too Adaawat Rakkh.”
–
[1-Hakim Fi Al-Mustadrak, 03/109, Raqam-4576,

2-Nasa’i Fi As-Sunan-ul-Kubra, 05/45, 130, Raqam-8148, 8464,

3-Ibn Abi ‘Asim Ne “As-Sunnah (Saath,/644, Raqam-1555)” Me Ise Mukhtasaran Zikr Kiya Hai.

4-Tabarani Fi Al-Mu’jam-ul-Kabir, 05/166, Raqam-4969,

5-Nasa’i Ne “Khsa’is Amir-ul-Mu’minin ‘Ali Bin Abi Talib KarramAllahu Ta’ala Waj’hah-ul-Karim (Shaf’h,/84, 85, Raqam-76)” Me Yeh Hadith Sahih Sanad Ke Saath Riwayat Kee Hai.

6-Aboo Mahasin Ne “Al-Mu’tasar Min Al-Mukhtasar Min Mushkil Al-Athar, (02/301)” Me Naqal Kee Hai.]

Posted in Al-Sayf-ul-Jali ‎‘Ala‎ Munkiri Wilayati ‘Ali KarramAllahu Ta’ala Waj’hah-ul-Karim

Al-Sayf-ul-Jali ‘Ala Munkiri Wilayati ‘Ali ‎RadiyAllahu ‘Anhu : 09

Posted on by Diwan Mohsin Shah

Hadith Number : 09

“Hazrat Zayd Bin Arqam RadiyAllahu Ta’ala ‘Anhu Riwayat Karte Hain Ki Hum RasoolAllah SallAllahu Ta’ala ‘Alayhi Wa-Aalihi Wa-Sallam Ke Saath Nikle Yaha’n Tak Ki Ghadir Khum Pahunch Ga’e. Aap SallAllahu Ta’ala ‘Alayhi Wa-Aalihi Wa-Sallam Ne Saa’ebaan Lagaane Ka Hukm Diya. Aap SallAllahu Ta’ala ‘Alayhi Wa-Aalihi Wa-Sallam Us Din Thakaawat Mahsoos Kar Rahe They Aur Woh Din Bahot Garm Tha. Aap SallAllahu Ta’ala ‘Alayhi Wa-Aalihi Wa-Sallam Ne Allah Kee Hamd Wa Thana Bayaan Kee Aur Farmaya : “Aye Logo’n! Allah Ta’ala Ne Jitne Nabi Bheje Har Nabi Ne Apne Se Pehle Nabi Se Nisf Zindagi Paa’i, Aur Mujhe Lagta Hai Ki Anqarib Mujhe (Wisaal Ka) Bulaawa Aane Ko Hai Jise Mein Qubool Kar Lunga. Mein Tumhare Andar Woh Chiz  Chhode Ja Raha Hoo’n Ki Us Ke Hote Hu’e Tum Hargiz Gumraah Nahin Howoge, Woh Kitabullah Hai.” Phir Aap SallAllahu Ta’ala ‘Alayhi Wa-Aalihi Wa-Sallam Khade Hu’e Aur Hazrat ‘Ali KarramAllahu Ta’ala Waj’hah-ul-Karim Ka Haath Thaam Liya Aur Farmaya : “Aye Logo’n! Koun Hai Jo Tumhari Jaano’n Se Ziyadah Qareeb Hai?” Sab Ne Kaha : Allah Aur Us Ka Rasool Azza Wa Jalla Wa SallAllahu Ta’ala ‘Alayhi Wa-Aalihi Wa-Sallam Behtar Jaante Hain. (Phir) Farmaya : “Kya Mein Tumhari Jaano’n Se Qareeb Tar Nahin Hoo’n?” Unhone Kaha : Kyoo’n Nahin! Aap SallAllahu Ta’ala ‘Alayhi Wa-Aalihi Wa-Sallam Ne Farmaya : “Jis Ka Mein Mawla Hoo’n Us Ka ‘Ali Mawla Hai.”
–
[1-Hakim Fi Al-Mustadrak, 03/533, Raqam-6272,

2-Tabarani Fi Al-Mu’jam-ul-Kabir, 05/171, 172, Raqam-4986,

3-Hisam-ud-Deen Hindi Fi Kanz-ul-’Ummal, 11/602, Raqam-32904,

Yeh Hadith Shaykhain Kee Shara’it Par Sahih Hai Aur Imam Dhahabi Ne Bhi Ise Sahih Qaraar Diya Hai.]

Posted in Al-Sayf-ul-Jali ‎‘Ala‎ Munkiri Wilayati ‘Ali KarramAllahu Ta’ala Waj’hah-ul-Karim

Al-Sayf-ul-Jali ‘Ala Munkiri Wilayati ‘Ali ‎RadiyAllahu ‘Anhu : 10

Posted on by Diwan Mohsin Shah

Hadith Number : 10

“Hazrat Sa’d Bin Abi Waqqas RadiyAllahu Ta’ala ‘Anhu Farmate Hain Ki Rasoole Akram SallAllahu Ta’ala ‘Alayhi Wa-Aalihi Wa-Sallam Ne Hazrat ‘Ali KarramAllahu Ta’ala Waj’hah-ul-Karim Kee Teen³ Khaslatein Aisi Bataayi Hain Ki Agar Mein Un Me Se Ek Ka Bhi Haamil Hota To Woh Mujhe Surkh Oonto‘n Se Ziyadah Mahboob Hoti. Aap SallAllahu Ta’ala ‘Alayhi Wa-Aalihi Wa-Sallam Ne (Ek Mauqa’ Par) Irshad Farmaya : “‘Ali Meri Jagah Par Is Tarah Hain Jaise Haroon Moosa Kee Jagah Par They, Magar Mere Baa’d Ko’i Nabi Nahin.” Aur Farmaya : “Mein Aaj Us Shakhs Ko ‘Alam Ata Karunga Jo Allah Aur Us Ke Rasool Se Muhabbat Karta Hai Aur Allah Aur Us Ka Rasool Us Se Muhabbat Karte Hain.” (Raawi Kahte Hain Ki) Mein Ne Huzoor SallAllahu Ta’ala ‘Alayhi Wa-Aalihi Wa-Sallam Ko (Is Mauqa’ Par) Yeh Farmate Hu’e Bhi Suna : “Jis Ka Mein Mawla Hoo’n Us Ka ‘Ali Mawla Hai.”
–
[1-Khasa’is Amir Al-Mu’minin ‘Ali Ibn Abi Talib KarramAllahu Ta’ala Waj’hah-ul-Karim, 33, 34, 88, Raqam-10, 80,

2-Shashi Ne “Al-Musnad (01/165, 166, Raqam-106)” Me Yeh Riwayat ‘Aamir Bin Sa’d Bin Waqqas RadiyAllahu Ta’ala ‘Anhu Se Lee Hai.

3-Ibn ‘Asakir Ne “Tarikh Dimashq Al-Kabir (45/88)” Me ‘Aamir Bin Sa’d Aur Sa’d Bin Abi Waqqas RadiyAllahu Ta’ala ‘Anhuma Se Marwi Ahadith Bayan Kee Hain.

4-Hisam-ud-Deen Hindi Ne “Kanz-ul-’Ummal (15/163, Raqam-36496)” Me ‘Aamir Bin Sa’d RadiyAllahu Ta’ala ‘Anhu Se Yeh Riwayat Chand Alfaaz Ke Izaafe Ke Saath Zikr Kee.

Is Hadith Kee Isnaad Sahih Hain.]