Author: Diwan Mohsin Shah

25.                  “Ek Riwaayat Me Hazrat Aboo Sa’iyd Khudri RadiyAllahu Ta’ala ‘Anhu Se Marwi Hai, Woh Bayaan Karte Hain Ki Main Hazrat Abdullah Bin Umar RadiyAllahu Ta’ala ‘Anhuma Ke Saath Chal Raha Tha Ki Un Kee Taang Sun Ho Ga’i Aur Woh Baith Ga’e, Phir Unhen Kisi Ne Kaha Ki Logo’n Me Se Jo Aap Ko Sab Se Ziyaada Mahboob Hai, Us Ka Zikr Karo. To Unhone Kaha: Ya Muhammadah! (Aye Muhammad SallAllahu Ta’ala ‘Alayhi Wa-Aalihi Wa-Sallam!) Un Ka Yeh Kehna Tha Ki Woh (Theek Ho Ga’e Aur) Uth Kar Chalne Lage.”

          Is Hadith Ko Imam Ibn As-Sunni Ne Riwaayat Kiya Hai.
–
[Bukhari Fi Al-Adab-ul-Mufrad,/335, Raqm-964,

Ibn Ja’d Fi Al-Musnad, 01/369, Raqm-2539,

Ibn Sa’d Fi At-Tabaqat-ul-Kubra, 04/154,

Ibn Sunni Fi ‘Amal-ul-Yawmi Wa Al-Laylah,/141, 142, Raqm-169,

Al-Noor-ul-Mubin Fi Hayat-in-Nabiyy-il-Amin SallAllahu Ta’ala ‘Alayhi Wa-Aalihi Wa-Sallam,/47, Raqm-25.]

26.                  “Ek Riwaayat Me Hai Ki Hazrat Abdullah Bin Abbas RadiyAllahu Ta’ala ‘Anhuma Ke Paas Baithe Kisi Shakhs Kee Taang Sun Ho Ga’i To Unhone Us Shakhs Se Farmaya: Logo’n Me Se Jo Tumhen Sab Se Ziyaada Mahboob Hai, Us Ka Zikr Karo, To Us Shakhs Ne Ya Muhammad (SallAllahu Ta’ala ‘Alayhi Wa-Aalihi Wa-Sallam) Ka Na’ra Lagaaya To Usi Waqt Us Ke Paao’n Ka Sun Hona Jaata Raha.”

          Is Hadith Ko Imam Ibn As-Sunni Ne Riwaayat Kiya Hai.
–
[Bukhari Fi Al-Adab-ul-Mufrad,/335, Raqm-964,

Ibn Ja’d Fi Al-Musnad, 01/369, Raqm-2539,

Ibn Sa’d Fi At-Tabaqat-ul-Kubra, 04/154,

Ibn Sunni Fi ‘Amal-ul-Yawmi Wa Al-Laylah,/141, 142, Raqm-170,

Al-Noor-ul-Mubin Fi Hayat-in-Nabiyy-il-Amin SallAllahu Ta’ala ‘Alayhi Wa-Aalihi Wa-Sallam,/47, 48, Raqm-26.]

27.                  “Ek Riwaayat me Hazrat Haytham Bin Hanash RadiyAllahu Ta’ala ‘Anhu Se Marwi Hai, Unhone Bayaan Kiya Ki Hazrat Abdullah Bin Umar RadiyAllahu Ta’ala ‘Anhuma Ke Paas They Ki Ek Aadami Kee Taang Sun Ho Ga’i, To Us Se Kisi Shakhs Ne Kaha: Logo’n Me Se Jo Shakhs Tujhe Sab Se Ziyaada Mahboob Hai, Us Ka Zikr Kar, To Us Ne Kaha: Ya Muhammad SallAllahu ‘Alayka Wa Sallam. Raawi Bayaan Karte Hain: Pas Woh Shakhs Yoo’n Uth Khada Huwa Goya Baandhi Hu’i Rassi Se Aazaad Ho Kar Musta’id Ho Gaya Ho.”

          Is Hadith Ko Imam Ibn As-Sunni Ne Riwaayat Kiya Hai.
–
[Bukhari Fi Al-Adab-ul-Mufrad,/335, Raqm-964,

Ibn Ja’d Fi Al-Musnad, 01/369, Raqm-2539,

Ibn Sa’d Fi At-Tabaqat-ul-Kubra, 04/154,

Ibn Sunni Fi ‘Amal-ul-Yawmi Wa Al-Laylah,/141, 142, Raqm-172,

Al-Noor-ul-Mubin Fi Hayat-in-Nabiyy-il-Amin SallAllahu Ta’ala ‘Alayhi Wa-Aalihi Wa-Sallam,/48, Raqm-27.]

28.                  “Hazrat Aboo Umamah Bin Sahl Bin Hunayf RadiyAllahu Ta’ala ‘Anhu Apne Chacha Hazrat Uthman Bin Hunayf RadiyAllahu Ta’ala ‘Anhu Se Riwaayat Karte Hain Ki Ek Shakhs Hazrat Uthman Bin Affan RadiyAllahu Ta’ala ‘Anhu Ke Paas Kisi Zaroorat Se Aata Raha Lekin Hazrat Uthman  RadiyAllahu Ta’ala ‘Anhu Us Kee Taraf Mutawajjeh Na Hote They Aur Us Kee Haajat Par Ghaur Na Farmaate They. Woh Shakhs (Uthman) Bin Hunayf RadiyAllahu Ta’ala ‘Anhu Se Mila Aur Un Se Apne Mas’ala Kee Baabat Shikaayat Kee. Uthman Bin Hunayf RadiyAllahu Ta’ala ‘Anhu Ne Us Se Kaha: Lota Laao Aur Wuzoo Karo, Us Ke Baa’d Masjid Me Aa Kar Do Rak’at Namaaz Padho, Phir(Yeh Du’aa) Padho: Aye Allah! Main Aap Se Sawaal Karta Hoo’n Aur Aap Kee Taraf Apne Nabi Muhammad SallAllahu Ta’ala ‘Alayhi Wa-Aalihi Wa-Sallam Nabiyye Rahmat Ke Waseele Se Mutawajjeh Hota Hoo’n, Ya Muhammad! Main Aap Ke Waseele Se Apne Rabb Kee Taraf Mutawajjeh Hota Hoo’n Ki Woh Meri Yeh Haajat Poori Farma De. Aur Phir Apni Haajat Ko Yaad Karo. (Aur Yeh Du’aa Padh Kar Hazrat Uthman Bin Affan RadiyAllahu Ta’ala ‘Anhu Ke Paas Jaao) Yaha’n Tak Ki Main Bhi Tumhaare Saath Aa Jaa’un. Pas Woh Aadami Gaya Aur Us Ne Wahi Kiya Jo Use Kaha Gaya Tha. Phir Woh Hazrat Uthman Bin Affan RadiyAllahu Ta’ala ‘Anhu Ke Darwaaze Par Aaya To Darbaan Ne Us Ka Haath Thaama Aur Hazrat Uthmaan Bin Affan RadiyAllahu Ta’ala ‘Anhu Ke Paas Le Gaya. Hazrat Uthman RadiyAllahu Ta’ala ‘Anhu Ne Use Apne Paas Chataa’i Par Bithaaya Aur Puchha: Teri Kya Haajat Hai? To Us Ne Apni Haajat Bayaan Kee Aur Unhone Use Pura Kar Diya. Phir Unhone Us Se Kaha: Too Ne Apni Is Haajat Ke Baare Me Aaj Tak Bataaya Kyun Nahin? Aa’inda Tumhaari Jo Bhi Zaroorat Ho Mujhe Bayaan Karo. Phir Woh Aadami Aap RadiyAllahu Ta’ala ‘Anhu Ke Paas Se Chala Gaya Aur Hazrat Uthman Bin Hunayf Se Mila Aur Un Se Kaha: Allah Ta’ala Aap Ko Jaza’e Khayr Ata Farmaae, Agar Aap Mere Mas’ale Ke Baare Me Hazrat Uthman Se Baat Na Karte To Woh Meri Haajat Par Ghaur Karte Na Meri Taraf Mutawajjeh Hote. Hazrat Uthman Bin Hunayf RadiyAllahu Ta’ala ‘Anhu Ne Kaha: Bakhuda Main Ne Un Se Tumhaare Baare Me Baat Nahin Kee. Balki Main Ne Allah Ta’ala Ke Rasool SallAllahu Ta’ala ‘Alayhi Wa-Aalihi Wa-Sallam Ko Dekha Ki Ek Naabina Aadami Aaya Aur Aap SallAllahu Ta’ala ‘Alayhi Wa-Aalihi Wa-Sallam Se Apni Binaa’i Khatm Ho Jaane Ka Shikwa Kiya, SallAllahu Ta’ala ‘Alayhi Wa-Aalihi Wa-Sallam Ne Us Se Farmaya: Too Sabr Kar. Us Ne Arz Kiya: Ya RasoolAllah! Mera Koi Khaadimm Nahin Aur Mujhe Bohat Takleef Hoti Hai. To Aap SallAllahu Ta’ala ‘Alayhi Wa-Aalihi Wa-Sallam Ne Farmaya: Lota Le Kar Aao Aur Wuzoo Karo (Aur Use Yahi Amal Talqeen Farmaya), Hazrat Ibn Hunayf RadiyAllahu Ta’ala ‘Anhu Ne Kaha: Khuda Kee Qasam! Hum Log Na To Abhi Majlis Se Dur Huwe Aur Na Hee Hamaare Darmiyaan Lambi Guftagu Hu’i, Hatta Ki Woh Aadami Hamaare Paas (Is Haalat Me) Aaya Ki Goya Use Kabhi Andhaapan Tha Hee Nahin.”

          Is Hadith Ko Imam Tabarani Aur Bayhaqi Ne Riwaayat Kiya Hai. Imam Mundhiri Ne Farmaya: Yeh Hadith Sahih Hai.
–
[Tabarani Fi Al-Mu’jam-ul-Kabir, 09/30, Raqm-8311,

Tabarani Fi Al-Mu’jam-us-Saghir, 01/306, Raqm-508,

Tabarani Fi Ad-Du’a’,/320, Raqm-1050,

Bayhaqi Fi Dala’il-un-Nubuwwah, 06/167,

Mundhiri Fi At-Targhibu Wa At-Tarhibu Mina Al-Hadith Ash-Sharif, 01/23, 274, Raqm-1018,

Subki Fi Shifa’ Al-Saqam Fi Ziyarah Khayr Al-Anam, Aw Shann Al-Gharah ‘Ala Man Ankra Al-Ziyarah,/125,

Haythami Fi Majma’-uz-Zawa’id Wa Manba’-ul-Fawa’id, 02/279,

Suyooti Fi Khasa’is Al-Kubra Aw Kifayah At-Talib Al-Labib Fi Khasa’is Al-Habib, 02/201,

Al-Noor-ul-Mubin Fi Hayat-in-Nabiyy-il-Amin SallAllahu Ta’ala ‘Alayhi Wa-Aalihi Wa-Sallam,/49_52, Raqm-28.]

29.                  “Hazrat Aboo Hurayrah RadiyAllahu Ta’ala ‘Anhu (Taweel Riwaayat Me) Bayaan Karte Hain Ki “(Jange Yamamah Ke Mauqa’ Par Hazrat Hudhayfah RadiyAllahu Ta’ala ‘Anhu Kee Shahaadat Ke Baa’d) Hazrat Khalid Bin Waleed RadiyAllahu Ta’ala ‘Anhu Ne (Islami Lashkar Ka) Alam Sambhaala Aur Lashkar Se Guzar Kar Musaylamah Kazzab Ke Mustaqar Pahaad Kee Taraf Chal Diye Aur Woh Is Intezaar Me They Ki Musaylamah Tak Pahonch Kar Use Qatl Kar De’n. Phir Woh Laut Aae Aur Dono’n Lashkaro’n Ke Darmiyaan Khade Ho Kar Da’wate Mubaarazat Dee Aur Buland Aawaaz Se Pukaara: Main Waleed Ka Beta Hoo’n, Main Aamir Wa Zayd Ka Beta Hoo’n. Phir Unhone Musalmano’n Ka Murawwaja Na’ra Buland Kiya Aur Un Dono’n Un Ka Jangi Na’ra “Ya Muhammadah SallAllahu ‘Alayka Wa Sallam” (Ya Muhammad! Madad Farmaa’iye) Tha.”

          Is Hadith Ko Imam Tabari Aur Ibn Kathir Ne Mazkoora Alfaaz Ke Saath Riwayat Kiya Hai.
–
[Tabari Fi Tarikh Al-Umam Wa’l-Mulook Al-Ma’roof Tarikh At-Tabari, 02/281,

Ibn Kathir Fi Al-Bidayah Wa An-Nihayah, 06/324,

Al-Noor-ul-Mubin Fi Hayat-in-Nabiyy-il-Amin SallAllahu Ta’ala ‘Alayhi Wa-Aalihi Wa-Sallam,/52, 53, Raqm-29.]

30.                  “Hazrat Maalik Daar RadiyAllahu Ta’ala ‘Anhu Riwayat Karte Hain Ki Hazrat Umar Bin Khattab RadiyAllahu Ta’ala ‘Anhu Ke Zamaana Me Log Qaht Saali Me Mubtala Ho Ga’e To Ek Sahaabi Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Kee Qabre At’har Par Haazir Huwe Aur Arz Kiya: Ya RasoolAllah! Aap (Allah Ta’ala Se) Apni Ummat Ke Liye Seraabi Kee Du’aa Farmaaen Kyoo’n Ki Woh (Qaht Saali Ke Baa’th) Tabaah Ho Ga’i Hai To Khaab Me Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Us Sahabi Ke Paas Tashreef Laae Aur Farmaya: Umar Ke Paas Jaao Use Mera Salaam Kaho Aur Use Bataao Ki Tum Seraab Ki’e Jaaoge Aur Umar Se(Yeh Bhi) Keh Do Ki (Dushman Tumhaari Jaan Lene Ke Dar Pe Hain Un Se) Hoshiyaar Raho, Hoshiyaar Raho. Phir Woh Sahabi Hazrat Umar RadiyAllahu Ta’ala ‘Anhu Ke Paas Aae Aur Unhen Khabar Dee To Hazrat Umar RadiyAllahu Ta’ala ‘Anhu Ro Pade Aur Kaha: Aye Allah! Main Kotaahi Nahin Karta Magar Yeh Ki Koi Kaam Mere Bas Me Na Rahe.”

          Is Hadith Ko Imam Ibn Abi Shaybah Ne Aur  Bayhaqi “Dala’il-un-Nabuwwah” Me Riwayat Kiya Hai. Imam Ibn Kathir Ne Farmaya: Is Kee Isnaad Sahih Hai. Imam Asqalani Ne Bhi Farmaya: Imam Ibn Abi Shaybah Ne Ise Isnaade Sahih Ke Saath Riwaayat Kiya Hai.
–
[Ibn Abi Shaybah Fi Al-Musannaf, 06/356, Raqm-32002,

Bayhaqi Fi Dala’il-un-Nubuwwah, 07/47,

Ibn Abd-il-Barr Fi Al-Isti’ab, 03/1149,

Subki Fi Shifa’ Al-Saqam Fi Ziyarah Khayr Al-Anam, Aw Shann Al-Gharah ‘Ala Man Ankra Al-Ziyarah,/130,

Hindi Fi Kanz-ul-‘Ummal, 08/431,

Ibn Taymiyyah Fi Iqtida’ Al-Sirat Al-Mustaqim Mukhalafat As’hab-il-Jahim,/373,

Ibn Kathir Fi Al-Bidayah Wa An-Nihayah, 05/167,

Ibn Hajar ‘Asqalani Fi Al-Isabah Fi Tamyiz-is-Sahabah, 03/484,

Al-Noor-ul-Mubin Fi Hayat-in-Nabiyy-il-Amin SallAllahu Ta’ala ‘Alayhi Wa-Aalihi Wa-Sallam,/53, 54, Raqm-30.]

31.                   “Hazrat Dawud Bin Abi Saalih RadiyAllahu Ta’ala ‘Anhu Riwaayat Karte Hain Ki Ek Roz (Khalifa’e Waqt) Marwaan Aaya Aur Us Ne Dekha Ki Ek Aadami Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Kee Qabre Anwar Par Apna Chehra Rakkhe Huwe Khada Hai, To Us Aadami Se Kaha: Kya To Jaanta Hai Ki Kya Kar Raha Hai? Jab Us Shakhs Ne Marwaan Kee Taraf Rukh Kiya To Woh (Sahabi’e Rasool) Hazrat Aboo Ayyoob Ansari RadiyAllahu Ta’ala ‘Anhu They, Unhone (Jawaab Me) Farmaya: Haa’n (Main Jaanta Hoo’n Ki) Main RasoolAllah SallAllahu Ta’ala ‘Alayhi Wa-Aalihi Wa-Sallam Kee Bargahe Aqdas Me Haazir Huwa, Kisi Patthar Ke Paas Nahin Aaya. (Ek Riwaayat Ke Alfaaz Hain, Main Kisi Be His Aur Be Jaan Shai Ke Paas Nahin Aaya.) Main Ne Rasoole Khuda SallAllahu Ta’ala ‘Alayhi Wa-Aalihi Wa-Sallam Ko Yeh Farmaate Suna: Din Par Mat Row Jab Us Ka Wali Us Ka Ahl Ho, Haa’n Din Par Us Waqt Row Jab Us Ka Wali Naa Ahl Ho.”

          Is Hadith Ko Imam Ahmad Aur Tabarani Ne Riwayat Kiya Hai. Imam Hakim Ne Farmaya: Yeh Hadith Sahih-ul-Isnad Hai.
–
[Ahmad Bin Hanbal Fi Al-Musnad, 05/422, Raqm-23632,

Hakim Fi Al-Mustadrak, 04/560, Raqm-8571,

Tabarani Fi Al-Mu’jam-ul-Kabir, 04/158, Raqm-3999,

Tabarani Fi Al-Mu’jam-ul-Awsat, 01/94, Raqm-284,

Tabarani Fi Al-Mu’jam-ul-Awsat, 09/144, Raqm-9366,

Ibn Asakir Fi Tarikh Madinat Dimashq, 57/249, 250,

Subki Fi Shifa’ Al-Saqam Fi Ziyarah Khayr Al-Anam, Aw Shann Al-Gharah ‘Ala Man Ankra Al-Ziyarah,/113,

Haythami Fi Majma’-uz-Zawa’id Wa Manba’-ul-Fawa’id,05/245,

Hindi Fi Kanz-ul-‘Ummal, 06/88, Raqm-14967,

Al-Noor-ul-Mubin Fi Hayat-in-Nabiyy-il-Amin SallAllahu Ta’ala ‘Alayhi Wa-Aalihi Wa-Sallam,/55, 56, Raqm-31.]

32.                   “Hazrat Amr Bin Maymoon Awdi RadiyAllahu Ta’ala ‘Anhu Se Marwi Hai Ki Aap Ne Bayan Kiya: Main Dekha Ki Hazrat Umar RadiyAllahu Ta’ala ‘Anhu Ne (Bawaqte Wisaal Apne Saahibzaade Se) Farmaya: Aye Abdullah Bin Umar! Umm-il-Mu’minin Hazrat Aaishah Siddiqa RadiyAllahu Ta’ala ‘Anha Ke Paas Jaao Aur Arz Karo Ki Umar Bin Khattab Aap Ko Salaam Kehta Hai Aur Arz Karta Hai Ki Mujhe Mere Dono’n Rufaqa’ Ke Sath (Rawza’e Rasool SallAllahu Ta’ala ‘Alayhi Wa-Aalihi Wa-Sallam Me) Dafn Hone Kee Ijaazat Dee Jaae. Hazrat Abdullah Bin Umar RadiyAllahu Ta’ala ‘Anhuma Ne Jab Umm-il-Mu’minin Hazrat Aaishah RadiyAllahu Ta’ala ‘Anha Kee Khidmat Me Hazrat Umar RadiyAllahu Ta’ala ‘Anhu Kee Yeh Darkhaast Pesh Kee To Hazrat Aaishah Siddiqa RadiyAllahu Ta’ala ‘Anha Ne Farmaya: Woh Jaga Main  Apne Liye Rakhna Chaahti Thi Lekin Aaj Main Unhen (Ya’ni Hazrat Umar RadiyAllahu Ta’ala ‘Anhu Ko) Apni Zaat Par Tarjeeh Deti Hoo’n. Jab Hazrat Abdullah Bin Umar RadiyAllahu Ta’ala ‘Anhuma Waapas Ga’e To Hazrat Umar RadiyAllahu Ta’ala ‘Anhu Ne Un Se Daryaaft Farmaya: Kya Khabar Laae Ho? Unhone Arz Kiya: Aye Amir Al-Mu’minin! Umm-il-Mu’minin Ne Aap Ke Liye Ijaazat De Dee Hai, To Hazrat Umar RadiyAllahu Ta’ala ‘Anhu Ne Farmaya: Us (Mutabarrak-o Muqaddas) Maqaam Se Ziyaada Mere Liye (Bataure Aakhiri Aaraamgaah) Koi Jaga Ahm Nahin Thi. So Jab Mera Wisaal Ho Jaae To Mujhe Utha Kar Waha’n Le Jaana Aur Salaam Arz Karna. Phir Arz Karna (Aaqa!) Umar Bin Khattab Ijazaat Chaahta Hai. Agar Mujhe Ijaazat Mil Jaae To Waha’n Dafn Kar Dena Warna Mujhe Aam Musalmano’n Ke Qabristaan Me Le Jaa Kar Dafn Kar Dena.”

          Is Hadith Ko Imam Bukhari Aur Ibn Abi Shaybah Ne Riwaayat Kiya Hai.
–
[Bukhari Fi As-Sahih, 01/469, Raqm-1328,

Bukhari Fi As-Sahih, 03/1353_1355, Raqm-3497,

Wa Nahwuhu Ibn Abi Shaybah Fi Al-Musannaf, 03/34, Raqm-11858,

Ibn Abi Shaybah Fi Al-Musannaf, 07/435, Raqm-436, Raqm-37059, 37074,

Al-Noor-ul-Mubin Fi Hayat-in-Nabiyy-il-Amin SallAllahu Ta’ala ‘Alayhi Wa-Aalihi Wa-Sallam,/56_58, Raqm-32.]

33.                  “Hazrat Aaishah Siddiqa RadiyAllahu Ta’ala ‘Anha Bayaan Karti Hain Ki Jab Main Us Hujra Mubarak Me Daakhil Hu’i Jaha’n Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Aur Mere Waalid(Hazrat Aboo Bakr Siddiq RadiyAllahu Ta’ala ‘Anhu) Madfoon Hain To Main Parde Ka Kapda Utaar Deti Thi Aur Kehti Thi: Be Shak Waha’n Mere Khaawind Aur Mere Walid Hain (Jin Se Parda Zaroori Nahin Hota) Lekin Jab Waha’n Un Ke Saath Hazrat Umar RadiyAllahu Ta’ala ‘Anhu Bhi Madfoon Ho Ga’e To Main Waha’n Hazrat Umar Se Haya’ Kee Khaatir Mukammal Hijaab Me Daakhil Hoti Thi.”

          Is Hadith Ko Imam Ahmad  Aur Hakim Ne Riwaayat Kiya Hai. Imam Hakim Ne Farmaya: Yeh Hadith Bukhari Muslim Kee Shart Par Sahih Hai. Aur Imam Haythami Ne Bhi Farmaya: Is Ke Rijaal Sahih Hadith Ke Rijaal Hain. Aur Imam Zarkashi Ne Farmaya: Yeh Hadith Bukhari Wa Muslim Kee Shart Par Sahih Hai.
–
[Ahmad Bin Hanbal Fi Al-Musnad, 06/202, Raqm-25701,

Hakim Fi Al-Mustadrak, 03/63, Raqm-4402,

Hakim Fi Al-Mustadrak, 04/08, Raqm-6721,

Zarkashi Fi Al-Ijabah Lamma Istadrakat’hu ‘Aishah,/68, Raqm-68,

Haythami Fi Majma’-uz-Zawa’id Wa Manba’-ul-Fawa’id, 08/26,

Haythami Fi Majma’-uz-Zawa’id Wa Manba’-ul-Fawa’id, 09/37,

Al-Noor-ul-Mubin Fi Hayat-in-Nabiyy-il-Amin SallAllahu Ta’ala ‘Alayhi Wa-Aalihi Wa-Sallam,/58, 59, Raqm-33.]

34.                  “Hazrat Ali Ibn Abi Talib KarramAllahu Ta’ala Waj’hah-ul-Karim Se Marwi Hai Ki Aap Ne Bayaan Farmaya: Jab Hazrat Aboo Bakr Siddiq RadiyAllahu Ta’ala ‘Anhu Kee Wafaat Ka Waqt Qareeb Aaya To Unhone Mujhe Apne Sarhaane Bithaaya Aur Farmaya: Aye Ali! Jab Main Faut Ho Jaau’n To Aap Khud Mujhe Apne In Haatho’n Se Ghusl Dena Jin Haatho’n Se Aap Ne RasoolAllah SallAllahu Ta’ala ‘Alayhi Wa-Aalihi Wa-Sallam Ko Ghusl Diya Tha Aur Mujhe (Bhi Wohi) Khushbu Lagaana Aur (Meri Mayyit) Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ke Rawza’e Aqdas Ke Paas Le Jaana Agar Tum Dekho Ki (Khud Bakhud) Darwaaza Khol Diya Gaya Hai To Mujhe Waha’n Dafn Kar Dena Warna Waapas Laa Kar Aam Musalmaano’n Ke Qabristaan Me Dafn Kar Dena Us Waqt Tak Jab Allah Ta’ala Apne Bando’n Ke Darmiyaan Faisla Na Farma De (Ya’ni Qiyaamat Na Aa Jaae. Aur Phir Un Kee Khaahish Ke Mutaabiq Hee) Unhen Ghusl Aur(Mutabarrak Khushbu Waala) Kafan Diya Gaya Aur (Hazrat Ali RadiyAllahu Ta’ala ‘Anhu Farmate Hain Ki) Sab Se Pehle Main Ne Rawza’e Rasool SallAllahu Ta’ala ‘Alayhi Wa-Aalihi Wa-Sallam Ke Darwaaze Par Pahonch Kar Ijaazat Talab Kee Aur Arz Kiya: Ya RasoolAllah! Yeh Aboo Bakr Hain Jo Andar Aane Kee Ijaazat Chaahte Hain? Phir Main Ne Dekha ki Rawza’e Aqdas Ka Darwaza (Khud Bakhud) Khul Gaya Aur Main Ne Suna Ki Koi Kehne Waala Keh Raha Hai. Habib Ko Us Ke Habib Ke Haa’n Daakhil Kar Do. Be Shak Habib Bhi Mulaqate Habib Ke Liye Mushtaaq Hai.”

          Ise Imam Ibn Asakir Aur Suyooti Ne Riwaayat Kiya Hai.
–
[Ibn Asakir Fi Tarikh Madinat Dimashq, 30/436,

Suyooti Fi Khasa’is Al-Kubra Aw Kifayah At-Talib Al-Labib Fi Khasa’is Al-Habib, 02/492,

Al-Noor-ul-Mubin Fi Hayat-in-Nabiyy-il-Amin SallAllahu Ta’ala ‘Alayhi Wa-Aalihi Wa-Sallam,/59_61, Raqm-34.]