Tag: Hayaate Ambiya

Posted in al-Nūr al-mubīn fī ḥayāṫ al-Nabī al-Amīn ṣallá Allāhu ‘alayhi wa-Ālihi wa-sallam

al-Nūr al-mubīn fī ḥayāṫ al-Nabī al-Amīn ṣallá Allāhu ‘alayhi wa-Ālihi wa-sallam: 11

Posted on by Diwan Mohsin Shah

11.                  “Hazrat Abdullah Bin Mas’ood RadiyAllahu Ta’ala ‘Anhu Bayaan Karte Hain Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Farmaya: Goya Main(Us Waqt Bhi) Hazrat Moosa Bin Imran ‘Alayh-is-Salam Ko Us Waadi Me Do Qitwaani Chaadaro’n Me Haalate Ihraam Dekh Raha Hoo’n.”

          Is Hadith Ko Imam Tabarani, Aboo Ya’la Aur Aboo Nu’aym Ne Riwaayat Kiya Hai. Imam Mundhiri Aur Haythami Ne Farmaya: Us kee Isnaad Hasan Hai.
–
[Tabarani Fi Al-Mu’jam-ul-Kabir, 10/142, Raqm-10225,

Tabarani Fi Al-Mu’jam-ul-Awsat, 06/308, Raqm-6487,

Aboo Ya’la Fi Al-Musnad, 09/27, Raqm-5093,

Mundhiri Fi At-Targhib Wa At-Tarhib Mina Al-Hadith Ash-Sharif, 02/118, Raqm-1740,

Haythami Fi Majma’-uz-Zawa’id Wa Manba’-ul-Fawa’id, 03/221,

Haythami Fi Majma’-uz-Zawa’id Wa Manba’-ul-Fawa’id, 08/204,

Al-Noor-ul-Mubin Fi Hayat-in-Nabiyy-il-Amin SallAllahu Ta’ala ‘Alayhi Wa-Aalihi Wa-Sallam,/28, Raqm-11.]

Posted in al-Nūr al-mubīn fī ḥayāṫ al-Nabī al-Amīn ṣallá Allāhu ‘alayhi wa-Ālihi wa-sallam

al-Nūr al-mubīn fī ḥayāṫ al-Nabī al-Amīn ṣallá Allāhu ‘alayhi wa-Ālihi wa-sallam: 12

Posted on by Diwan Mohsin Shah

12.                   “Hazrat Abdullah Bin Abbas RadiyAllahu Ta’ala ‘Anhuma Bayan Karte Hain Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Waadi’e Azraq Kee Taraf Tashreef Laae Aur Daryaaft Farmaya: Yeh Kya Hai? Sahaba’e Kiram Ridwanu Allahi Ta’ala ‘Alayhim Ajma’iyn Ne Arz Kiya: (Ya RasoolAllah!) Yeh Waadi’e Azraq Hai. To Aap SallAllahu Ta’ala ‘Alayhi Wa-Aalihi Wa-Sallam Ne Farmaya: Goya Ki Main Moosa Bin Imran ‘Alayh-is-Salam Kee Taraf Dekh Raha Hoo’n Ki Woh Us Waadi Me Allah Ta’ala Kee Kibriyaa’i Bayaan Karte Huwe Utar Rahe Hain. Phir Aap SallAllahu Ta’ala ‘Alayhi Wa-Aalihi Wa-Sallam Ek Pahaadi Raaste Kee Taraf Tashreef Laae To Aap SallAllahu Ta’ala ‘Alayhi Wa-Aalihi Wa-Sallam Ne Daryaaft Farmaaya: Yeh Kaunsa Pahaadi Raasta Daudta Hai? Sahaba’e Kiram Ridwanu Allahi Ta’ala ‘Alayhim Ajma’iyn Ne Arz Kiya: Yeh Fula’n Fula’n Pahaadi Raasta Hai. To Aap SallAllahu Ta’ala ‘Alayhi Wa-Aalihi Wa-Sallam Ne Farmaya: Goya Main Hazrat Yoonus Bin Matta ‘Alayh-is-Salam Ko Surkh Ghunghriyaale Baalo’n Waali Oontni Par Baitha Huwa Dekh Raha Ho’n. Us Oontni Kee Lagaam Khajoor Kee Hai Chhaal Kee Hai Aur Aap Talbiyah Keh Rahe Hain Aur Aap Ne Oon Ka Jubba Zebe Tan Kiya Huwa Hai.”

          Is Hadith Ko Imam Hakim, Ibn Hibban, Aboo Nu’aym, Aboo Awanah Aur Tabarani Ne Riwaayat Kiya Hai. Imam Hakim Ne Farmaya: Yeh Hadith Imam Muslim Kee Sharaa’it Par Sahih Hai.
–
[Hakim Fi Al-Mustadrak, 02/373, 638, Raqm-3313, 4123,

Ibn Hibban Fi As-Sahih, 14/103, Raqm-6219,

Tabarani Fi Al-Mu’jam-ul-Kabir, 12/159, Raqm-12756,

Aboo Nu’aym Fi Hilyat-ul-Awliya’ Wa Tabaqat-ul-Asfiya’, 02/421,

Aboo ‘Awanah Fi Al-Musnad, 02/421, Raqm-3682,

Al-Noor-ul-Mubin Fi Hayat-in-Nabiyy-il-Amin SallAllahu Ta’ala ‘Alayhi Wa-Aalihi Wa-Sallam,/29, 30, Raqm-12.]

Posted in al-Nūr al-mubīn fī ḥayāṫ al-Nabī al-Amīn ṣallá Allāhu ‘alayhi wa-Ālihi wa-sallam

al-Nūr al-mubīn fī ḥayāṫ al-Nabī al-Amīn ṣallá Allāhu ‘alayhi wa-Ālihi wa-sallam: 13

Posted on by Diwan Mohsin Shah

13.                  “Hazrat Abdullah Bin Abbas RadiyAllahu Ta’ala ‘Anhuma Bayaan Karte Hain Ki Rawha’ Kee Raaste Par Sattar Ambiya’e Kiram ‘Alayhim-us-Salam Hajj Kee Gharaz Se Guzar Rahe Hain Jo Oon Ke Kapde Zebe Tan Ki’e Huwe They Aur Masjide Khayf Me Sattar Ambiyya’ ‘Alayhim-us-Salam Ne Namaaz Ada Kee.”

          Is Hadith Ko Imam Hakim, Tabarani Aur Bayhaqi Ne Riwayat Kiya Hai. Imam Haythami Ne Farmaya: Is Ke Rijaal Thiqah Hain.
–
[Hakim Fi Al-Mustadrak, 02/653, Raqm-4169,

Tabarani Fi Al-Mu’jam-ul-Kabir, 12/474, Raqm-13525,

Bayhaqi Fi As-Sunan-ul-Kubra, 05/177, Raqm-9618,

Fakihi Fi Akhbar Makkah Fi Qadim Al-Dahr Wa Hadithih, 04/266, Raqm-2594,

Haythami Fi Majma’-uz-Zawa’id Wa Manba’-ul-Fawa’id, 03/297,

Al-Noor-ul-Mubin Fi Hayat-in-Nabiyy-il-Amin SallAllahu Ta’ala ‘Alayhi Wa-Aalihi Wa-Sallam,/30, 31, Raqm-13.]

Posted in al-Nūr al-mubīn fī ḥayāṫ al-Nabī al-Amīn ṣallá Allāhu ‘alayhi wa-Ālihi wa-sallam

al-Nūr al-mubīn fī ḥayāṫ al-Nabī al-Amīn ṣallá Allāhu ‘alayhi wa-Ālihi wa-sallam: 14

Posted on by Diwan Mohsin Shah

14.                  “Hazrat Abdullah Bin Abbas RadiyAllahu Ta’ala ‘Anhuma Se Marwi Hai Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Farmaya: Masjide Khayf Me Sattar Ambiya’e Kiram ‘Alayhim-us-Salam Ne Namaaz Ada Kee Jin Me Hazrat Moosa ‘Alayh-is-Salam Bhi Shaamil They, Goya Main (Us Waqt Bhi) Un Kee Taraf Dekh Raha Hoo’n Aur Un Par Do Qitwaani Chaadaren Thi’n Aur Haalate Ihraam Me Qabila’e Shanuwwah Ke Oonto’n Me Se Ek Oont Par Sawaar They Jis Kee Nakel Khajoor Kee Chhaal Kee Thi Jis Kee Do Rassiya’n Thi’n.”

          Is Hadith Ko Imam Tabarani, Aboo Nu’aym Aur Fakihi Ne Riwayat Kiya Hai. Imam Haythami Ne Farmaya: Is Ke Rijaal Thiqaat Hain.
–
[Tabarani Fi Al-Mu’jam-ul-Kabir, 11/452, Raqm-12283,

Aboo Nu’aym Fi Hilyat-ul-Awliya’ Wa Tabaqat-ul-Asfiya’, 02/10,

Ibn ‘Adi Fi Al-Kamil Fi Du’afa’-ir-Rijal, 06/58,

Fakihi Fi Akhbar Makkah Fi Qadim Al-Dahr Wa Hadithih, 04/266, Raqm-2593,

Daylami Fi Musnad-ul-Firdaws, 02/392, Raqm-3740,

Haythami Fi Majma’-uz-Zawa’id Wa Manba’-ul-Fawa’id, 03/221, 297,

Al-Noor-ul-Mubin Fi Hayat-in-Nabiyy-il-Amin SallAllahu Ta’ala ‘Alayhi Wa-Aalihi Wa-Sallam,/31, 32, Raqm-14.]

Posted in al-Nūr al-mubīn fī ḥayāṫ al-Nabī al-Amīn ṣallá Allāhu ‘alayhi wa-Ālihi wa-sallam

al-Nūr al-mubīn fī ḥayāṫ al-Nabī al-Amīn ṣallá Allāhu ‘alayhi wa-Ālihi wa-sallam: 15

Posted on by Diwan Mohsin Shah

15.                  “Hazrat Ammar Bin Yasir RadiyAllahu Ta’ala ‘Anhu Se Riwaayat Hai Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Farmaya: Be Shak Allah Ta’ala Ne Meri Qabr Par Ek Firishta Muqarrar Kiya Huwa Hai, Jise Allah Ta’ala Ne Tamam Makhlooq Kee Aawaazen Sun Ne (Aur Samajhne) Kee Quwwat Ata’ Farma’i Hai, Pas Roze Qiyaamat Tak Jo Bhi Mujh Par Durood Padhega, Woh Firishta Aur Durood Padhne Waale Ka Naam Aur Us Ke Waalid Ka Naam Mujhe Pahonchaaega, Aur Arz Karega: Ya RasoolAllah! Fula’n Bin Fula’n Ne Aap Par Durood Bheja Hai.”

          Is Hadith Ko Imam Bazzar Aur Bukhari Ne “At-Tarikh Al-Kabir” Me Aur Mundhir Ne Bhi Riwayat Kiya Hai. Imam Haythami Ne Farmaya: Is Kee Sanad Me Ibn Himyariy Raawi Ko Main Nahin Jaanta, Is Ke Ilaawa Tamaam Rijaal Sahih Hadith Ke Rijaal Hain.

                   “Aboo Shaykh Ibn Hayyan Kee Riwaayat Ke Alfaaz Yoo’n Hain Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Farmaya Be Shak Allah Tabarak Wa Ta’ala Ka Ek Firishta Hai, Jise Allah Ta’ala Ne Tamam Makhlooqaat Kee Aawaaz Sun Ne (Aur Samajhne) Kee Quwwat Ata Farmaa’i Hai, Pas Woh Firishta Mere Wisaal Ke Baa’d Meri Qabr Par Qiyaamat Tak Khada Rahega. Pas Meri Ummat Me Se Jo Shakhs Bhi Mujh Par Durood Bhejega, Woh Firishta Us Ka Naam Aur Us Ke Baap Ka Naam Lega Aur Kahega: Ya Muhammad! (Mere Aaqa!) Fula’n Shakhs Ne Aap Kee Khidmat Me Durood Bheja Hai. Pas Allah Ta’ala Us Shakhs Par Har Ek Durood Ke Badle Me Das Rahmaten Baazil Farmaaega.”
–
[Bazzar Fi Al-Musnad, 04/255, Raqm-1425, 1426,

Bukhari Fi At-Tarikh Al-Kabir, 06/416, Raqm-2831,

Ibn Hayyan Fi Al-Azamah, 02/762, Raqm-01,

Haythami Fi Majma’-uz-Zawa’id Wa Manba’-ul-Fawa’id, 10/162,

Al-Noor-ul-Mubin Fi Hayat-in-Nabiyy-il-Amin SallAllahu Ta’ala ‘Alayhi Wa-Aalihi Wa-Sallam,/32_34, Raqm-15.]

Posted in al-Nūr al-mubīn fī ḥayāṫ al-Nabī al-Amīn ṣallá Allāhu ‘alayhi wa-Ālihi wa-sallam

al-Nūr al-mubīn fī ḥayāṫ al-Nabī al-Amīn ṣallá Allāhu ‘alayhi wa-Ālihi wa-sallam: 16

Posted on by Diwan Mohsin Shah

16.                   “Hazrat Abd-ir-Rahman Bin Abd-il-Qariy  Se Riwaayat Hai Ki Unhone Hazrat Umar Bin Khattab RadiyAllahu Ta’ala ‘Anhu Ko Mimbar Par Logo’n Ko Tashahhud Sikhaate Huwe Suna. Aap RadiyAllahu Ta’ala ‘Anhu Ne Farmaya: Yoo’n Kaho: “Tamaam Qauli Aur Fe’li Ibaadaten, Aur Tamam Paakiza Cheezen Allah Ta’ala Ke Liye Hain, Aur Salaamati Ho Aap Par, Aye Nabi Mukarram! Aur Allah Ta’ala Kee Rahmat Aur Us Kee Barkaat (Ka Nuzool Ho) Aur Salaamati Ho Hum Par Aur Allah Ta’ala Ke Tamaam Nek Bando’n Par. Main Gawaahi Deta Hoo’n Ki Allah Ta’ala Ke Siwa Koi Ma’bood Nahin Aur Muhammad (SallAllahu Ta’ala ‘Alayhi Wa-Aalihi Wa-Sallam) Allah Ta’ala Ke (Pyaare) Bande Aur Us Ke Rasool Hain.

                   Is Hadith Ko Imam Maalik, Shaafi’iy, Abd-ur-Razzaq Aur Tahaawi Ne Riwayat Kiya Hai. Imam Hakim Ne Farmaya: Yeh Hadith Imam Muslim Ke Shara’it Par Sahih Hai.

                   “Aur Iak Riwaayat Me Hazrat Abdullah Bin Umar RadiyAllahu Ta’ala ‘Anhuma Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Se Riwaayat Karte Hain Ki Aap SallAllahu Ta’ala ‘Alayhi Wa-Aalihi Wa-Sallam Ne Farmaya: Tashahhud Me Yeh Padho: Tamaam Qauli Aur Fe’li Ibaadaten Aur Tamam Paakiza Kalimaat Allah Ta’ala Ke Liye Khaas Hain, Aye Nabiyye Mukarram! Aap Par Salaamati Aur Allah Ta’ala Kee Rahmat Ho……”

          Is Hadith Ko Imam Daraqutni Aur Maalik Ne Riwaayat Kiya Hai.

                   “Aur Ek Riwaayat Me Hazrat Abdullah Bin Umar RadiyAllahu Ta’ala ‘Anhu Se Marwi Hai Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Hamen Yoo’n Tashahhud Sikhaaya Karte They. Tamam Qauli Aur Fe’li Ibaadaten Aur Tamam Umda Kalimaat Allah Ta’ala Ke Liye Khaas Hain. Aye Nabiyye Mohtashim! Aap Par Salaamati, Aur Allah Ta’ala Kee Rahmat Aur Barkaat Ho’n…..Al-Hadith.”

                   Is Hadith Ko Imam Daraqutni Aur Hakim Ne Hazrat Jabir Bin Abdullah RadiyAllahu Ta’ala ‘Anhuma Se Riwaayat Kiya Hai. Imam Daraqutni Ne Farmaya: Yeh Sanad Muttasil Hai. Imam Hakim Ne Bhi Farmaya Yeh Hadith Imam Mulslim Kee Sharaa’it Par Sahih Hai.

                   “Aur Ek Riwaayat Me Hai Ki Umm-il-Mu’minin Hazrat Aaishah Siddiqa RadiyAllahu Ta’ala ‘Anhuma Tashahhud Me Mazkoora Baala Du’aa Hee Padha Karti Thi’n.”

          Is Hadith Ko Imam Maalik Aur Ibn Abi Shaybah Ne Riwaayat Kiya Hai.
–
[Malik Fi Al-Muwatta’, 01/90, 91, Raqm-203, 206,

Shafi’iy Fi Al-Musnad, 01/237,

Ibn Abi Shaybah Fi Al-Musannaf, 01/261, Raqm-2992,

Abd-ur-Razzaq Fi Al-Musannaf, 02/202, Raqm-3067,

Tahawi Fi Sharh Ma’ani Al-Athar, 01/261,

Daraqutni Fi As-Sunan, 01/351, Raqm-06, 09,

Hakim Fi Al-Mustadrak, 01/398, 399, Raqm-978, 983,

Bayhaqi Fi As-Sunan-ul-Kubra, 02/142, Raqm-2655, 2667,

Ibn Abd-il-Barr Fi Al-Istdhkar, 01/484,

Al-Noor-ul-Mubin Fi Hayat-in-Nabiyy-il-Amin SallAllahu Ta’ala ‘Alayhi Wa-Aalihi Wa-Sallam,/34_37, Raqm-16.]

Posted in al-Nūr al-mubīn fī ḥayāṫ al-Nabī al-Amīn ṣallá Allāhu ‘alayhi wa-Ālihi wa-sallam

al-Nūr al-mubīn fī ḥayāṫ al-Nabī al-Amīn ṣallá Allāhu ‘alayhi wa-Ālihi wa-sallam: 17

Posted on by Diwan Mohsin Shah

17.                   “Hazrat Ubaydullah Bin Buraydah Apne Waalid Hazrat Buraydah RadiyAllahu Ta’ala ‘Anhu Se Riwaayat Karte Hain Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Farmaya: Aye Buraydah! Jab Tum Apni Namaaz Padhne Baitho To Tashahhud Aur Mujh Par Durood Bhejna Kabhi Tark Na Karna, Woh Namaaz Kee Zakaat Hai. Aur Allah Ta’ala Ke Tamaam Ambiya’ Aur Rasoolo’n Par Aur Us Ke Nek Bando’n Par Bhi Salaam Bheja Karo.”

          Is Hadith Ko Imam Daraqutni Aur Daylami Ne Riwaayat Kiya Hai.
–
[Daraqutni Fi As-Sunan, 01/355, Raqm-03,

Daylami Fi Musnad-ul-Firdaws, 05/392, Raqm-8527,

Haythami Fi Majma’-uz-Zawa’id Wa Manba’-ul-Fawa’id, 02/132,

Al-Noor-ul-Mubin Fi Hayat-in-Nabiyy-il-Amin SallAllahu Ta’ala ‘Alayhi Wa-Aalihi Wa-Sallam,/37, 38, Raqm-17.]

Posted in al-Nūr al-mubīn fī ḥayāṫ al-Nabī al-Amīn ṣallá Allāhu ‘alayhi wa-Ālihi wa-sallam

al-Nūr al-mubīn fī ḥayāṫ al-Nabī al-Amīn ṣallá Allāhu ‘alayhi wa-Ālihi wa-sallam: 18

Posted on by Diwan Mohsin Shah

18.                   “Hazrat Aboo Humayd Al-Sa’iydi Ya Aboo Usayd Al-Ansari RadiyAllahu Ta’ala ‘Anhuma Bayaan Karte Hain Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Farmaya: Jab Tum Me Se Koi Masjid Me Daakhil Ho To Use Chaahiye Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Par Salaam Bheje Phir Kahe: Aye Allah! Mere Liye Apni Rahmat Ke Darwaaze Khol De Aur Jab Masjid Se Baahar Nikle To Kahe: Aye Allah! Main Tujh Se Tera Fadl Maangta Hoo’n.”

          Is Hadith Ko Imam Aboo Dawud, Ibn Majah Aur Darimi Ne Riwaayat Kiya Hai. Imam Aboo Hatim Razi Ne Bayaan Kiya Ki Imam Aboo Zur’ah Ne Farmaya: Hazrat Aboo Humayd Aur Aboo Usayd RadiyAllahu Ta’ala ‘Anhuma Dono’n Se Marwi Riwayat Sahih Tar Hoti Hain. Aur Imam Munawi Ne Farmaya: Jab Tum Me Se Koi Masjid Me Daakhil Ho To Use Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Kee Khidmat Me Salaam Ko Mahboob, Zaroori Aur Laazim Samajhte Huwe Arz Karna Chaahiye Kyun Ki Masaajid Zikr Kar Ne Kee Jagah Hain Aur Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Kee Khidmat Me Salam Arz Karna Bhi Zikre Ilaahi Hee Hai.
–
[Aboo Dawud Fi As-Sunan, 01/126, Raqm-465,

Ibn Majah Fi As-Sunan, 01/254, Raqm-772,

Darimi Fi As-Sunan, 01/377, Raqm-1394,

Ibn Hibban Fi As-Sahih, 05/397, Raqm-2048,

Razi Fi ‘Ilal Al-Hadith, 01/178, Raqm-509,

Al-Noor-ul-Mubin Fi Hayat-in-Nabiyy-il-Amin SallAllahu Ta’ala ‘Alayhi Wa-Aalihi Wa-Sallam,/38, 39, Raqm-18.]

Posted in al-Nūr al-mubīn fī ḥayāṫ al-Nabī al-Amīn ṣallá Allāhu ‘alayhi wa-Ālihi wa-sallam

al-Nūr al-mubīn fī ḥayāṫ al-Nabī al-Amīn ṣallá Allāhu ‘alayhi wa-Ālihi wa-sallam: 19

Posted on by Diwan Mohsin Shah

19.                  “Hazrat Fatimah Bint Husayn RadiyAllahu Ta’ala ‘Anhuma Apni Daadi Jaan Sayyida’e Ka’inat Fatimah Al-Kubra سَلاَمُ اللهِ عَلَيْهَا Se Riwaayat Karti Hain, Unhone Farmaya: Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Masjid Me Daakhil Hote Waqt Muhammad Mustafa SallAllahu Ta’ala ‘Alayhi Wa-Aalihi Wa-Sallam Par Salaat-o Salaam Padhte Aur Us Ke Baa’d Yeh Du’aa Maangte: Aye Rabb! Mere Liye Mere (Ya’ni Ummat Ke) Gunaah Bakhsh De Aur Mere Liye Apni Rahmat Ke Darwaaze Khol De, Aur Baahar Tashreef Laate Waqt Bhi Muhammad Mustafa SallAllahu Ta’ala ‘Alayhi Wa-Aalihi Wa-Sallam Par Salaat-o Salaam Padhte Aur Phir Yoo’n Du’aa Maangte: Aye Mere Rabb! Mere Liye Meri(Ummat Ke) Gunaah Bakhsh De Aur Mere Liye Apne Fadl Ke Darwaaze Khol De.”

                   Is Hadith Ko Imam Tirmidhi, Ahmad Aur Abd-ur-Razzaq Ne Riwayat Kiya Hai. Imam Tirmidhi Ne Farmaya: Hazrat Fatimah RadiyAllahu Ta’ala ‘Anha Kee Hadith Hasan Hai.

                   “Aur Ek Riwaayat Me Hai Ki Aap SallAllahu Ta’ala ‘Alayhi Wa-Aalihi Wa-Sallam Farmaate: Allah Ke Naam Se Shuroo’ Karta Hoo’n Aur Allah Ta’ala Ke Rasool Par Bhi Salaam Ho……Us Ke Baa’d Usi Tarah Hadith Bayaan Kee.

          Ise Imam Ibn Majah Aur Ibn Abi Shaybah Ne Riwayat Kiya Hai.

                   “Ek Aur Riwayat Me Sayyidah Fatimah RadiyAllahu Ta’ala ‘Anhu Bayaan Farmaati Hain Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Jab Masjid Me Daakhil Hote To Muhammad Mustafa SallAllahu Ta’ala ‘Alayhi Wa-Aalihi Wa-Sallam Par Salaam Bhejte……Aur Isi Tarah Masjid Se Nikalte Waqt Bhi Muhammad Mustafa SallAllahu Ta’ala ‘Alayhi Wa-Aalihi Wa-Sallam Par Salaam Bhejte…….Us Ke Baa’d Saabiqa Hadith Kee Du’aa Bayaan Kee.”

          Ise Imam Ahmad, Aboo Ya’la Aur Tabarani Ne Riwaayat Kiya Hai.

                   “Aur Ek Riwaayat Main Hai Ki Sayyida’e Ka’inat RadiyAllahu Ta’ala ‘Anha Ne Bayaan Farmaya Ki Aap SallAllahu Ta’ala ‘Alayhi Wa-Aalihi Wa-Sallam Yoo’n Farmaate: Aye Allah Ke Nabi! Aap Par Salaamati Ho. Aur Allah Ta’ala Kee Rahmaten Aur Barkaten Ho’n.”

          Is Hadith Ko Imam Aboo Ya’la Ne “Al-Mu’jam” Me Riwaayat Kiya Hai.
–
[Tirmidhi Fi As-Sunan, 02/127, Raqm-314,

Ibn Majah Fi As-Sunan, 01/253, Raqm-771,

Ibn Abi Shaybah Fi Al-Musannaf, 01/298, Raqm-3412,

Ibn Abi Shaybah Fi Al-Musannaf, 06/96, Raqm-29764,

Abd-ur-Razzaq Fi Al-Musannaf, 01/425, Raqm-1664,

Ahmad Bin Hanbal Fi Al-Musnad, 06/282, 283, Raqm-26459, 26462,

Aboo Ya’la Fi Al-Musnad, 12/121, 199, Raqm-6754, 6822,

Aboo Ya’la Fi Al-Mu’jam, 01/54, Raqm-24,

Tabarani Fi Al-Mu’jam-ul-Kabir, 22/424, Raqm-1044,

Tabarani Fi Ad-Du‘a’, 01/150, Raqm-423, 426,

Al-Noor-ul-Mubin Fi Hayat-in-Nabiyy-il-Amin SallAllahu Ta’ala ‘Alayhi Wa-Aalihi Wa-Sallam,/40_42, Raqm-19.]

Posted in al-Nūr al-mubīn fī ḥayāṫ al-Nabī al-Amīn ṣallá Allāhu ‘alayhi wa-Ālihi wa-sallam

al-Nūr al-mubīn fī ḥayāṫ al-Nabī al-Amīn ṣallá Allāhu ‘alayhi wa-Ālihi wa-sallam: 20

Posted on by Diwan Mohsin Shah

20.                   “Hazrat Aboo Hurayrah RadiyAllahu Ta’ala ‘Anhu Se Riwaayat Hai Ki Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ne Farmaya: Jab Tum Me Se Koi Masjid Me Daakhil Ho To Use Chaahiye Ki Woh Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Kee Khidmat Me Salam Arz Kare Aur (Is Ke Baa’d) Yeh Kehe: Aye Allah! Mere Liye Apni Rahmat Ke Darwaaze Khol De. Aur Jab Masjid Se Baahar Nikle To Tab Bhi Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Kee Khidmat Me Salaam Arz Kare Aur (Is Ke Baa’d) Kahe: Aye Mere Allah! Mujhe Shaytaan Mardood Se Bacha.”

                   “Aur Ek Riwaayat Ke Mutaabiq Farmaya: Use Chaahiye Ki Woh (Salaam Arz Karne Ke Baa’d) Kahe: Aye Allah! Mujhe Shaytaan Mardood Se Dur Rakkh.”

          Is Hadith Ko Imam Ibn Majah, Nasa’i Aur Bukhari Ne ‘At-Tarikh Al-Kabir” Me Riwaayat Kiya Hai. Aur Imam Hakim Ne Farmaya: Yeh Hadith Imam Bukhari Aur Muslim Kee Shara’it Par Sahih Hai. Imam Kinani Ne Farmaya: Is Hadith Kee Sanad Sahih Aur Is Ke Rijaal Thiqah Hain.
–
[Ibn Majah Fi As-Sunan, 01/254, Raqm-773,

Nasa’i Fi As-Sunan-ul-Kubra, 06/27, Raqm-9918,

Bukhari Fi At-Tarikh Al-Kabir, 01/159, Raqm-470,

Hakim Fi Al-Mustadrak, 01/325, Raqm-747,

Kinani Fi Misbah Al-Zujajah Fi Zawa’id Ibn Majah, 01/97, Raqm-293,

Al-Noor-ul-Mubin Fi Hayat-in-Nabiyy-il-Amin SallAllahu Ta’ala ‘Alayhi Wa-Aalihi Wa-Sallam,/42_44, Raqm-20.]