Tag: Jis Ka Mein Mawla Hoo’n Us Ka ‘Ali Mawla Hai

Hadith Number : 37

“‘Amar Bin Dhi Murr, Sa’iyd Bin Wahb Aur Zayd Bin Yathi’ Se Riwayat Hai Ki Hum Ne Hazrat ‘Ali KarramAllahu Ta’ala Waj’hah-ul-Karim Ko Yeh Kahte Hu’e Suna Ki Mein Har Us Aadami Se Halfan Puchhta Hoo’n Jis Ne Ghadir Khum Ke Din Huzoor Nabiyye Akram SallAllahu Ta’ala ‘Alayhi Wa-Aalihi Wa-Sallam Ko Yeh Farmate Hu’e Suna Ho, Is Par Terah¹³ Aadami Khade Hu’e Aur Unhone Gawaahi Dee Ki Rasoole Akram SallAllahu Ta’ala ‘Alayhi Wa-Aalihi Wa-Sallam Ne Farmaya : “Kya Mein Mominin Kee Jaano’n Se Qarib Tar Nahin Hoo’n?” Sab Ne Jawab Diya : Kyoo’n Nahin, Ya RasoolAllah ﷺ! Raawi Kahta Hai : Tab Aap SallAllahu Ta’ala ‘Alayhi Wa-Aalihi Wa-Sallam Ne Hazrat ‘Ali KarramAllahu Ta’ala Waj’hah-ul-Karim Ka Haath Pakda Aur Farmaya : “Jis Ka Mein Mawla Hoo’n, Us Ka ‘Ali Mawla Hai, Aye Allah! Jo Ise Dost Rakkhe Too Use Dost Rakkh, Jo Is (‘Ali) Se Adaawat Rakkhe Too Us Se Adaawat Rakkh, Jo Is (‘Ali) Se Muhabbat Kare Too Us Se Muhabbat Kar, Jo Is (‘Ali) Se Bughz Rakkhe Too Us Se Bughz Rakkh, Jo Is (‘Ali) Kee Nusrat Kare Too Us Kee Nusrat Farma Aur Jo Ise Ruswa (Karne Kee Koshish) Kare Too Use Ruswa Kar.”
–
[1-Haythami Ne “Majma’-uz-Zawa’id (09/104, 405)” Me Ise Bazzar Se Riwayat Kiya Hai Aur Is Ke Rijaal Ko Sahih Qaraar Diya Hai, Siwaaye Fitr Bin Khalifah Ke Aur Woh Thiqah Hai.

2-Bazzar Fi Al-Musnad, 03/35, Raqam-786,

3-Tahawi Fi Mushkil-il-Athar, 02/308,

4-Ibn ‘Asakir Fi Tarikh Dimashq Al-Kabir (Tarikh Ibn ‘Asakir), 45/159, 160,

5-Hisam-ud-Deen Hindi Fi Kanz-ul-’Ummal, 13/158, Raqam-36487,

6-Ibn Kathir Fi Al-Bidayah Wa An-Nihayah, 04/169, 05/462.]

Hadith Number : 38

“Zadhan Bin ‘Umar RadiyAllahu Ta’ala ‘Anhu Se Riwayat Hai, Aap Bayan Karte Hain Ki Mein Ne Hazrat ‘Ali KarramAllahu Ta’ala Waj’hah-ul-Karim Ko Majlis Me Logo’n Se Halfan Yeh Puchhte Hu’e Suna : Kis Ne Rasoole Akram SallAllahu Ta’ala ‘Alayhi Wa-Aalihi Wa-Sallam Ko Ghadir Khum Ke Din Kuchh Farmate Hu’e Suna Hai? Is Par Terah¹³ Aadami Khade Hu’e Aur Unhone Tasdiq Kee Ki Unhone Rasoole Akram SallAllahu Ta’ala ‘Alayhi Wa-Aalihi Wa-Sallam Ko Yeh Farmate Hu’e Suna : “Jis Ka Mein Mawla Hoo’n Us Ka ‘Ali Mawla Hai.”
–
[1-Ahmad Bin Hanbal Fi Al-Musnad, 01/84,

2-Ahmad Bin Hanbal Fi Fada’il-us-Sahabah, 02/585, Raqam-991,

3-Ibn Abi ‘Asim Fi Kitab-us-Sunnah,/604, Raqam-1371,

4-Tabarani Fi Al-Mu’jam-ul-Awsat, 03/69, Raqam-2131,

5-Bayhaqui Fi As-Sunan-ul-Kubra, 05/131,

6-Aboo Nu’aym Fi Hilyat-ul-Awliya’ Wa Tabaqat-ul-Asfiya’, 05/26,

7-Ibn Jawzi Fi Sifat-us-Safwah, 01/313,

8-Haythami Fi Majma’-uz-Zawa’id Wa Manba’-ul-Fawa’id, 09/107,

9-Ibn Kathir Ne Al-Bidayah Wa An-Nihayah (04/169)” Me Zadhan Abi ‘Umar Se Naqal Kardah Riwayat Me Khade Ho Kar Gwaahi Dene Waale Aadmiyo’n Kee Ta’daad Baarah¹² Likhi Hai.

10-Ibn Kathir Ne Al-Bidayah Wa An-Nihayah (05/462)” Me Ibn ‘Umar RadiyAllahu Ta’ala ‘Anhu Se Zadhan Kee Lee Hu’i Riwayat Me Gawaahi Dene Waale Afraad Kee Ta’dad Terah¹³ Likhi Hai.

11-Hisam-ud-Deen Hindi Fi Kanz-ul-’Ummal, 13/158, Raqam-36487,

12-Shawkani Fi Darr-us-Sahabah Fi Manaqib-il-Qarabah Wa’s-Sahabah,/211.]

Hadith Number : 39

“‘Abd-ur-Rahman Bin Abi Laylah Se Riwayat Hai Ki Hazrat ‘Ali KarramAllahu Ta’ala Waj’hah-ul-Karim Ne Logo’n Se Khitaab Kiya Aur Farmaya : Mein Us Aadami Ko Allah Aur Islam Kee Qasam Deta Hoo’n, Jis Ne Rasoole Akram SallAllahu Ta’ala ‘Alayhi Wa-Aalihi Wa-Sallam Ko Ghadir Khum Ke Din Mera Haath Pakde Hu’e Yeh Farmate Hu’e Suna Ho : “Aye Musalmanon! Kya Mein Tumhari Jaano’n Se Qarib Tar Nahin Hoo’n?” Sab Ne Jawab Diya : Kyoo’n Nahin, Ya RasoolAllah ﷺ! Aap SallAllahu Ta’ala ‘Alayhi Wa-Aalihi Wa-Sallam Ne Farmaya : “Jis Ka Mein Mawla Hoo’n, Us Ka ‘Ali Mawla Hai, Aye Allah! Jo Ise Dost Rakkhe Too Use Dost Rakkh, Jo Is (‘Ali) Se Adaawat Rakkhe Too Us Se Adaawat Rakkh, Jo Is (‘Ali) Kee Madad Kare Too Us Kee Madad Farma, Jo Is Kee Ruswaayi Chaahe Too Use Ruswa Kar?” Is Par Terah¹³ Se Zaa’id Afraad Ne Khade Ho Kar Gawaahi Dee Aur Jin Logo’n Ne Yeh Baatein Chhupaayi Woh Duniya Me Andhe Ho Kar Ya Bars (Safed Kodh, Leprosy) Kee Haalat Me Mar Ga’e.”
–
[1-Hisam-ud-Deen Hindi Fi Kanz-ul-’Ummal, 13/131, Raqam-36417,

2-Ibn ‘Asakir Fi Tarikh Dimashq Al-Kabir (Tarikh Ibn ‘Asakir), 45/158,

3-Ibn Athir Kee “Usd-ul-Ghabah (03/487)” Me Aboo Is’haq Se Lee Ga’i Riwayat Me Hai : Yazid Bin Wadi’ah Aur ‘Abd-ur-Rahman Bin Mudlij Gawaahi Chhupaane Ke Sabab Bimaari Me Mubtala Hu’e.]

Hadith Number : 40

“Asbagh Bin Nubatah Se Riwayat Hain Ki Hazrat ‘Ali KarramAllahu Ta’ala Waj’hah-ul-Karim Ne Khule Maiydaan Me Logo’n Ko Qasam Dee Ki Jis Ne Ghadir Khum Ke Din Nabiyye Akram SallAllahu Ta’ala ‘Alayhi Wa-Aalihi Wa-Sallam Ko Yeh Farmate Hu’e Suna Ho, Woh Khade Ho Jaa’e. Is Par Terah¹³ Se Zaa’id Afraad Khade Hu’e Jin Me Aboo Ayyub Ansari, Aboo Amrah Bin Muhsan, Aboo Zaynab, Sahl Bin Hunayf, Khuzaymah Bin Thaabit, ‘Abd Allah Bin Thabit Ansari, Hubshiy Bin Junadah Salooli, ‘Ubayd Bin ‘Aazib Ansari, Nu’man Bin Ajlaan Ansari, Thaabit Bin Wadi’ah Ansari, Aboo Fadalah Ansari Aur ‘Abd-ur-Rahman Bin ‘Abd Rabb Ansari They. In Sab Ne Kaha : Hum Gawaahi Dete Hain Ki Hum Ne Rasoole Akram SallAllahu Ta’ala ‘Alayhi Wa-Aalihi Wa-Sallam Se Suna : Logo’n! Aagaah Raho! Allah Mera Wali Hai Aur Mein Mominin Ka Wali Hoo’n, Khabardaar! (Aagaah Raho!) Jis Ka Mein Mawla Hoo’n Us Ka ‘Ali Mawla Hai, Aye Allah! Jo Ise Dost Rakkhe Too Use Dost Rakkh, Jo Is Se Adaawat Rakkhe Too Us Se Adaawat Rakkh, Jo Is Se Muhabbat Kare Too Us Se Muhabbat Kar, Jo Is Se Bughz Rakkhe Too Us Se Bughz Rakkh Aur Jo Is Kee Madad Kare Too Us Kee Madad Farma.”
–
[1-Ibn Athir Fi Usd-ul-Ghabah Fi Ma’rifat-is-Sahabah, 03/465,

2-Tahawi Fi Mushkil-il-Athar, 02/308,

3-Ibn Athir Ne “Usd-ul-Ghabah Fi Ma’rifat-is-Sahabah (02/362)” Me Ya’la Bin Murrah Se Ek Riwayat Bayan Kee Hai Jis Me Gawaaha’n Me Yazid Yaa Zayd Bin Sharahil Ka Bhi Zikr Hai, Jab Ki Ya’la Bin Murrah Se Hee Bayan Kardah Ek Aur Riwayat (03/137) Me ‘Aamir Bin Layla Ka Zikar Hai, Ek Aur Maqaam (05/282) Par Gawaha’n Me Najiyah Bin Amr Ka Zikar Bhi Kiya Gaya Hai.]

Hadith Number : 41

“Zayd Bin Arqam RadiyAllau Ta’ala Anhu Se Riwayat Hai Ki Hazrat ‘Ali KarramAllahu Ta’ala Waj’hah-ul-Karim Ne Logo’n Se Gawaahi Talab Karte Hu’e Kaha Ki Mein Tumhein Qasam Deta Hoo’n Jis Ne Nabiyye Akram SallAllahu Ta’ala ‘Alayhi Wa-Aalihi Wa-Sallam Ko Yeh Farmate Hu’e Suna : “Aye Allah! Jis Ka Mein Mawla Hoo’n, Us Ka ‘Ali Mawla Hai, Aye Allah! Too Use Dost Rakkh Jo Ise Dost Rakkhe Aur Too Us Se Adaawat Rakkh Jo Is Se Adaawat Rakkhe.” Pas Is (Mauqa) Par Solah-16 Aadmiyo’n Ne Khade Ho Kar Gawaahi Dee.”
–
[1-Ahmad Bin Hanbal Fi Al-Musnad, 05/370,

2-Tabarani Fi Al-Mu’jam-ul-Awsat, 05/171, Raqam-4985,

3-Muhibb Tabari Fi Dhakha’ir-ul-Uqba Fi Manaqibi Dhawi-‘l-Qurba,/125, 126,

4-Muhibb Tabari Fi Ar-Riyad-un-Nadirah Fi Manaqib-il-‘Ashrah, 03/127,

5-Ibn Kathir Fi Al-Bidayah Wa An-Nihayah, 05/461,

6-Haythami Fi Majma’-uz-Zawa’id Wa Manba’-ul-Fawa’id, 09/106,

Haythami Ne Kaha Hai Ki Jinhone Is Waqe’a Ko Chhupaaya Un Kee Basaarat(Binaa’i) Chali Ga’i.]

Hadith Number : 42

“‘Umayr Bin Sa’d Se Riwayat Hai Ki Unhone Hazrat ‘Ali KarramAllahu Ta’ala Waj’hah-ul-Karim Ko Khule Maidaan Me Yeh Qasam Dete Hu’e Suna Ki Kis Ne Rasoole Akram SallAllahu Ta’ala ‘Alayhi Wa-Aalihi Wa-Sallam Ko Yeh Farmate Suna Hai Ki Jis Ka Mein Mawla Hoo’n Us Ka ‘Ali Mawla Hai? To Atthaarah-18 Afraad Ne Khade Ho Kar Gawaahi Dee.”
–
[1-Haythami Ne “Majma’-uz-Zawa’id (09/108)” Me Yeh Hadith Bayan Karte Hu’e Kaha Ki Ise Tabarani Ne Riwayat Kiya Hai Aur Us Kee Isnaad Hasan Hain.

2-Ibn ‘Asakir Ne “Tarikh Dimashq Al-Kabir (45/158)” Me ‘Umayr Bin Sa’iyd RadiyAllahu Ta’ala ‘Anhu Se Yeh Riwayat Lee Hai Jab Ki ‘Umayr Bin Sa’d RadiyAllahu Ta’ala ‘Anhu Se Marwi Riwayat Me Hai Ki Gawaahi Dene Waale Afraad Barah¹² They.

3-Ibn Kathir Ne “Al-Bidayah Wa An-Nihayah (04/171, 05/461)” Me ‘Umayr Bin Sa’d RadiyAllahu Ta’ala ‘Anhu Se Jo Riwayat Lee Hai Us Me Hai Ki Gawaahi Dene Waale Barah¹² Aadami They Jin Me Hazrat Aboo Hurayrah, Aboo Sa’d Aur Anas Bin Malik RadiyAllahu Ta’ala ‘Anhum Bhi Shaamil They.

4-Hisam-ud-Deen Hindi Fi Kanz-ul-’Ummal, 13/154, 155, Raqam-36480,

5-Shawkani Fi Darr-us-Sahabah Fi Manaqib-il-Qarabah Wa’s-Sahabah,/211.]