Bees Rak’at Namaze Tarawih Ka Suboot – Page 5

At-Tasrihu Fi Salat-it-Tarawih : 40

“Shaykh Ibn Taymiyyah Ne ‘Apne Fatawa’ (Majmoo’a Fatawa) Me Kaha Ki Saabit Huwa Ki Hazrat Ubay Bin Ka’b RadiyAllahu Ta’ala ‘Anhu Ramadaan-ul-Mubarak Me Logo’n Ko Bees-20 Rak’at Tarawih Aur Teen³ Witr Padhaate They To Aksar Ahl-E-Ilm Ne Ise Sunnat Maana Hai.
Is Liye Ki Woh Muhaajireen Aur Ansaar (Tamaam) Sahaba-E-Kiram (Ridwanu Allahi Ta’ala ‘Alayhim Ajma’iyn) Ke Darmiyan (Un Kee Maujoodagi Me) Qiyam Karte (Bees-20 Rak’at Padhaate) Aur Un Sahaba Me Se Kabhi Bhi Kisi Ne Unhein Nahin Roka.”
–
[Ibn Taymiyyah Fi Majmoo’ Fatawa, 01/191,

Isma’il Bin Muhammad Al-Ansari Fi Tas’hih Hadith Salat-ul-Tarawih ‘Ishrin Rak’ah, 01/35,

At-Tasrihu Fi Salat-it-Tarawih, Safha-34, Raqam-40.]

“Majmoo’a Fatawa Najdiya Me Hai Ki Shaykh ‘Abd Allah Bin Muhammad Bin ‘Abd-il-Wahhab Ne Tarawih Kee Kul Rak’ato’n Se Mut’alliq Sawaal Ke Jawaab Me Bayan Kiya Ki Hazrat ‘Umar RadiyAllahu Ta’ala ‘Anhu Ne Logo’n Ko Hazrat Ubay Bin Ka’b RadiyAllahu Ta’ala ‘Anhu Kee Iqtida’ Me Namaze Tarawih Ke Liye Jam’a Kiya To Woh Unhein Bees-20 Rak’at Padhaate They.”
–
[Isma’il Bin Muhammad Al-Ansari Fi Tas’hih Hadith Salat-ul-Tarawih ‘Ishrin Rak’ah, 01/35,

At-Tasrihu Fi Salat-it-Tarawih, Safha-34, 35, Raqam-41.]

۞ ۞ ۞