Posted in Baab-02 : Faize Nubuwwat-o-Wilaayat Kee Baqa’ Ka Uloohi Nizaam, Dhibhe 'Azeem

Shi’a Sunni Fasaadaat Kee Haqeeqat

Shi’a Sunni Fasaadaat Ka Yake Bunyaadi Nukta Yeh Hai Ki Shi’a Hazaraat Sayyidah Aaishah Siddiqa RadiyAllahu Ta’ala ‘Anha Ko Apne Ghayz-o-Ghazab Aur La’n Ta’n Kee Ghaleez Harkat Me Mubtala Hain Aur Dusri Taraf  Baa’z Badbakht Ahl-E-Bayt-E-At’har Se Khuda Waaste Ka Bair Rakhte Hain, Yeh Dono’n Rawayye Apne Pas Manzar Aur Haaliya Shiddat Me Bohat See Ghalat Fehmiyo’n Se Paida Hain Un Ghalat Fehmiyo’n Ka Izaala Kiye Baghair Ikhtilaafaat Kee Khaleej Mitaani Mushkil Hai Balki Islami Dushman Inhin Ghalat Fehmiyo’n Ko Hawa De Kar Lada’iya’n Aur Fasaadaat Karwaate Hain Aur Ummat Kee Ijtima’iy Quwwat Ko Muntashir Karne Me Hamesha Kaamyaab Rehte Hain. Tahammul Aur Haqiqat Pasandi Se Mu’alamalaat Ka Jaa’izah Liya Jaaye To Bohat See Talkhiyo’n Ka Tadaaruk Mumkin Hai. Masalan Zere Nazar Riwaayaat Hee Ko Le Lijiye Is Me Bohat See Ghalat Fehmiyo’n Aur Badgumaaniyo’n Ka Izaala Ho Raha Hai. Hazrat Fatimah Hazrat Ali Aur Sayyidah Aaishah Siddiqa RadiyAllahu Ta’ala ‘Anha Kee Mukhaasamat Ko Hawa Dene Waale Khud Sochein Ke Kutube Ahadith Me Sayyidah Fatimah RadiyAllahu Ta’ala ‘Anha Ke Faza’il-o-Manaqib Kee Beshtar Riwaayaat Sayyidah Aaishah RadiyAllahu Ta’ala ‘Anha Se Marwi Hain Jo Shakhs Dusre Ke Muta’alliq Hasad Bughz Aur Keena Rakhta Ho Bhala Woh Is Tarah Kee Riwaayaat Bayaan Karta Hai. Aaishah Siddiqa RadiyAllahu Ta’ala ‘Anha Chaahtin To Saa’il Ke Sawaal Par Yeh Bhi Farma Sakti Thi Ki Huzoor Tajdare Ka’enat SallAllahu Ta’ala ‘Alayhi Wa Aalihi Wa Sallam Ko Sab Se Ziyaada Mahboob Mein Khud Thi, Aur Mardo’n Me Mere Waalid Sayyidina Siddiqe Akbar RadiyAllahu Ta’ala ‘Anhu. Agar Yeh Riwaayat Hoti Bhi To Qareene Qiyaas Thi, Huzoor SallAllahu Ta’ala ‘Alayhi Wa Aalihi Wa Sallam Ka Sayyidah Aaishah RadiyAllahu Ta’ala ‘Anha Aur Un Ke Waaild Girami Se Ta’alluqe Mahabbat Aik Musallama Haqiqat Hai Lekin Jo Cheez Haque Hai Use Bayaan Karne Me Zara Ta’ammul Nahin Farmaya. Isi Tarah Aur Kai Riwaayaat Hain, Jo Is Baat Ka Suboot Hain Ki Woh Log Aapas Me Kitne Raheem Kareem They, Baahami Ihtiraam Ke Faza’Aakhir Waqt Tak Qaa’im Rahi, Fasaadi Aur Mujrimana Khaslat Logo’n Ko Us Waqt Bhi Bad Amn Aur Mukhaasamat Manzoor Thi Aur Aaj Bhi Hai Yeh Iblis Mission Ke Kaarinde Hain Jo Har Daur Me Sargarm Rehte Hain.

[Dhib’he ‘Azeem(Dhib’he Isma’il ‘Alayh-is-Salam Se Dhib’he Husayn RadiyAllahu Ta’ala ‘Anhu Tak)/69_70.]

Advertisements