Tag: Halqa-E-Durood-o-Salam

Posted in Durood-o-Salam Aur Azamate Mustafa SallAllahu Ta’ala ‘Alayhi Wa-Aalihi Wa-Sallam

Ilaaqaa’i Sat’h Par Halqa-E-Durood Ka Qiyaam

Posted on by tahirulqadribooks

Jo Tanzeemaat Ilaaqaa’i Sat’h Par Halqa-E-Durood Ka Silsila Shuroo’ Karna Chaahe’n Woh Darje Dhayl Umoor Ka Khayaal Rakkhe’n :

1) Halqa-E-Durood Ke Li’e Zaroori Hoga Ki Kisi Aik Mustaqil Jagah Aur Waqt Ko Mukhtas Kiya Jaa’e. Chalte Phirte Aur Uthte Baithte Padhe Jaane Waale Durood Ko Is Me Shaamil Nahin Kiya Jaa’ega.

 

2) Durood-o-Salaam Padhne Se Qabl Ghusl Kare’n, Naya Saaf Suthra Libaas Pehne’n, Khushboo Lagaa’e’n Aur Do Rak’at Namaze Nafl Ke Ba’d Durood Sharif Padhna Shuroo’ Kare’n.

 

3) Halqa-E-Durood Me Shirkat Kar Ne Waale Ahbaab Ke Li’e Jagah, Din Aur Waqt Muta’ayyan Kar Diya Jaa’e Taa Ki Poori Tawajjo Aur Dil-Jam’iy Ke Saath Durood-o-Salaam Padha Jaa’e.

 

4) Durood-o-Salaam Kee Ta’daad Ka Shumaar Kar Ne Aur Markaz Ko Irsaal Kar Ne Ke Li’e Kisi Aik Fard Kee Zimma Daari Lagaa’i Jaa’e.
–
[Durood-o-Salam Aur Azamate Mustafa SallAllahu Ta’ala ‘Alayhi Wa-Aalihi Wa-Sallam,/40_41.]

Posted in Durood-o-Salam Aur Azamate Mustafa SallAllahu Ta’ala ‘Alayhi Wa-Aalihi Wa-Sallam

Ghareloo Sat’h Par Halqa-E-Durood Ka Qiyaam

Posted on by tahirulqadribooks

1. Aap Apne Ghar Me Halqa-E-Durood Ke Li’e Kamra Ua Jagah Mukhtas Kar Le’n, Jahaa’n Ghar Ke Tamaam Afraad Mil Kar Durood-o-Salaam Padhe’n.

 

2. Ghar Kee Sat’h Par Apne Qareebi Rishta Daaro’n Aur Padosiyo’n Ko Bhi Zaroor Da’wat De’n Aur Halqa-E-Durood-o-Salaam Ke Shuraka’ Kee Ta’daad Me Din Ba Din Ba-Din Izaafa Karte Jaa’ein.

 

3. Halqa-E-Durood Ke Li’e Mukhtas Hone Waali Jagah Kee Safaa’i Aur Paakeezgi Ka Har Waqt Khusoosi Ehtemaam Rakkhe’n.
–
[Durood-o-Salam Aur Azamate Mustafa SallAllahu Ta’ala ‘Alayhi Wa-Aalihi Wa-Sallam,/41.]