Posted in Baab-03 : Dhib’he ‘Azeem Kee Takmeel, Dhibhe 'Azeem

Shabe Aashoor Ibaadat Kee Raat

Al-Bidayah Wa An-Nihayah Ibn Kathir Me Kathrat Kee Saath In Riwaayaat Ko Mukhtalif Andaaz Me Bayaan Kiya Gaya Hau Ki 09 Muharram-ul-Haraam Ko Nawasa-E-Rasool, Hazrat Imam Husayn RadiyAllahu Ta’ala ‘Anhu Thake Maande Jism Ke Saath Apni Khaime Ke Saamne Maidaane Karbala Kee Ret Par Tashreef Farma Hain. Apni Talwaar Se Tek Laga Rakkhi Hai, Yawme Aashoor Ka Intizaaar Kar Rahe Hain Ki Ooungh Aa Gayi, Idhar Ibn Sa’d Ne Hatami Faisla Ho Jaane Ke Baa’d  Apne Asaakir Ko Hukm De Diya Ki Husayn RadiyAllahu Ta’ala ‘Anhu Aur Un Ke Saathiyo’n Par Hamal Kar Do, Yazeedi Asaakir Hamla Kee Niyyat Se Imaame Aali Maqaam Ke Ahle Bayte At’haar Ke Khaimo’n Ke Qareeb Pahunch Gaye. Yazeedi Asaakir Ka Shor-o-Ghaugha Sun Kar Hazrat Imam Husayn RadiyAllahu Ta’ala ‘Anhu Kee Hamsheera Muhtarma Sayyidah Hazrat Zaynab RadiyAllahu Ta’ala ‘Anha Baahar Tashreef Laayi Aur Hazrat Imam Husayn Ko Bedaar Kiya. Aap Ne Sare Anwar Uthaaya Aur Puchha Zaynab RadiyAllahu Ta’ala ‘Anhu Kya Bat Hai? Arz Kee Imaame Aali Maqaam! Dushman Kee Taraf Se Hamle Kee Tayyaari Mukammal Ho Chuki Hai Farmaya Hamsheera Zaynab RadiyAllahu Ta’ala ‘Anha! Hum Bhi Tayyari Kar Chuke Hain “Bhaai Jaan Tayyari Se Kya Muraad Hai? Zaynab RadiyAllahu Ta’ala ‘Anha Ne Muztarib Ho Kar Puchha….Farmaya! Zaynab RadiyAllahu Ta’ala ‘Anha Abhi Abhi Meri Aankh Lag Gayi Thi, Naana Jaan Khaab Me Tashreef Laaye Aur Bataaya Ki Tum Anqareeb Hamaare Paas Aane Waale Ho! Bahan! Hum Intizaar Me Hain, Hazrat Zaynab RadiyAllahu Ta’ala ‘Anha Farmaane Lagi’n To Bhayya! Yeh Musibat Kee Ghadhi Aa Pahunchi? Farmaya Zaynab RadiyAllahu Ta’ala ‘Anha Afsos Na Kar, Sabr Kar Bahan! Allah Tum Par Rahm Farmaayega. Imaame Aali Maqaam ‘Alayh-is-Salam Ne Hazrat Abbas RadiyAllahu Ta’ala ‘Anhu Ke Zari’e Yazeedi Lashkar Se Aik Shab Kee Mohlat Maangi Ki Zindagi Ke Aakhiri Raat Hai Mein Apne Rabb Kee Jee Bhar Kar Ibaadat Karna Chaahta Hoo’n. Yazeedi Lashkar Ne Nawasa-E-Rasool SallAllahu Ta’ala ‘Alayhi Wa Aalihi Wa Sallam Ko Aik Raat Kee Mohlat De Dee.

[Dhib’he ‘Azeem(Dhib’he Isma’il ‘Alayh-is-Salam Se Dhib’he Husayn RadiyAllahu Ta’ala ‘Anhu Tak)/100_101.]

Advertisements