Author: tahirulqadribooks

Posted in 1 Pehla Khitaab : Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me, Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me

Imam Husayn ‘Alayh-is-Salam Kee Madinah Se Rawaangi

Posted on by tahirulqadribooks

                   Madinah Ke Haalaat Hazrat Imam Husayn RadiyAllahu Ta’ala ‘Anhu Ke Haque Me Na-Saazgaar Ho Gaye Aur Aap Ne Socha Ki Mumkin Hai Ki Mere Haamiyo’n Aur Hukoomat Ke Darmiyan Aik Musallah Jang Kee Fiza Paida Ho Jaaye  Aur Khoon Kharaabi Kee Naubat Aa Jaaye Aur Mere Nana Ka Madinah Jise Aap Ne Haram Qaraar Diya Tha Jis Haram Ke Liye Mere Chacha Uthman Ne Bhi Apna Khoon Qubool Kar Liya Tha, Apni Maut Ko Be Kasi Aur Be Basi Ke Aalam Ko Gawaara Kar Liya Tha Lekin Apne Difaa’ Me Talwaar Uthaane Kee Ijaazat Na Dee Thi Mein Nahin Chahta Ki Woh Muqaddas Sar Zameen Mere Khoon Se Rangin Ho Jaaye.

 

Isi Asna’ Me Hazrat Abd Allah Bin Zubayr RadiyAllahu Ta’ala ‘Anhu Chupke Se Madinah Chhod Kar Makkah Mukarammah Chale Gaye. Baaqi Do Sahabah Bhi Bay’at Ka Inkaar Kar Ke Aik Taraf Ho Gaye Aur Imam Husayn RadiyAllahu Ta’ala ‘Anhu Ke Haamiyo’n Me Aur Aap Ke Ghulamo’n Me Chun Ki Josh Tha, Aap Rawda-E-Rasool Par Haazir Huwe Aur Gumbade Khadra’ Ko Mushtaaqaanah Hasrat Bhari Nigaaho’n Se Dekh Kar Thandi Saans Le Kar Arz Kee : Nana Jaan ! Ab Aap Ke Sahr Ke Log Aur Yaha’n Ke Hukmaraan Mujhe Aap Ke Qadmo’n Me Nahin Rahne Dete Phir Huzoore Aqdas SallAllahu Ta’ala ‘Alayhi Wa-Aalihi Wa-Sallam Se Ijazat Le Kar Bojhal Dil Aur Purnam Aankho’n Ke Saath Ahl-o-Ayaal Aur A’izzah Wa Aqaarib Ko Sath Le Kar Madine Ke Hurmat Ke Tahaffuz Ke Khaatir Shahre Makkah Ko Hijrat Farma Gaye Aur Waha’n Panunche To Abd Allah Bin Zubayr Apne Kai Haamiyo’n Ko Tayyar Kar Chuke They. Yazeed Ko Jab Abd Allah Bin Zubayr Ke Makkah Pahunchne Kee Khabar Huwi To Us Ne Apna Lashkar Bheja Aur Sipah Saalaar Ko Hukm Diya Ki Makkah Ka Muhaasarah Kar Liya Jaaye, Abd Allah Bin Zubayr Ko Fat’h Huwi Lekin Imam Husayn ‘Alayh-is-Salam Is Ma’rake Me Harame Ka’ba Ke Peshe Nazar Phir Bhi Shareek Na Huwe, Alag Thalag Rahe.
–
[Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me, Safha-18.]

Posted in 1 Pehla Khitaab : Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me, Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me

Ahle Koofah Kee Meeting Aur Da’wat

Posted on by tahirulqadribooks

                   Koofah Shahr Ke Shi’ane Ali Aur Koofah Aur Basrah Ke Baasiyo’n Ko Yeh Ittila’ Ho Chuki Thi Ki Imam Husayn RadiyAllahu Ta’ala ‘Anhu Ne Yazeed Kee Bay’at Se Inkaar Kar Diya Hai Aur Yeh Bhi Ma’loom Tha Ki Abd Allah Bin Zubayr RadiyAllahu Ta’ala ‘Anhu, Abd-ur-Rahman Bin Abi Bakr RadiyAllahu Ta’ala ‘Anhu, Abd Allah Bin Umar Ne Bhi Inkaar Kar Dia Hai Unhein Yeh Ittila’ Bhi Ho Chuki Thi Ki Makkah Ka Pehla Ma’rakah Abd Allah Bin Zubayr Ne Sar Kar Liya Hai Air Yazeedi Lashkar Ko Nakami Ka Munh Dekhna Pada Hai Is Par Shi’ane Ali KarramAllahu Ta’ala Waj’hah-ul-Karim Ke Koofah Aur Basrah Me Hausle Buland Ho Gaye Unhone Fauran Aik Shakhs Ko Jo Ki Shi’ane Ali Ka Sardar Tha Use Apna Leader Taslim Kar Liya Aur Us Ke Ghar Aik Meeting Talab Kee.

 

Shi’a Maktaba-E-Fiqar Kee Aik Mu’atabar Tarikh Kee Kitab Jis Ka Nam “Jila’-ul-‘Uyoon” Hai Us Me Tafseel Se Yeh Waqe’at Darj Hain. Unhone Ijlaas Me Faisalah Kiya Ki Haalaat Saazgaar Hain Mu’awiyah RadiyAllahu Ta’ala ‘Anhu Ka Intiqal Ho Chuka Hai Yazeed Takht Nasheen Huwa Hai Bade Bade Jalil-ul-Qadr Logo’n Ne Us Kee Bay’at Se Inkaar Kar Diya Hai Loha Garm Hai Is Mauqa’ Se Faa’idah Uthaaya Jaaye Sayyidana Imam Husayn ‘Alayh-is-Salam Ko Koofah Aane Kee Da’wat Dee Jaaye Aur Hum Un Ke Haath Par Bay’at Kar Le’n Aur Is Tarah Yazeed Jaise Faasiq Wa Faajir Aur Shaqi Badbakht Insaan Kee Hukoomat Ka Patta Apne Gale Se Utaar Phainkein.

 

Musalman Aur Ba’d Deegar Shi’a Leadero’n Ne Yeh Kaha Ki Dekh Lo Kahin Aisa Na Ho Hum Log Imam Husayn RadiyAllahu Ta’ala ‘Anhu Se Be-Wafa’i Kar Baithein Agar Saabit Qadami Aur Istiqamat Ke Saath Un Ka Saath De Sakte Ho To Phir Is Amr Kee Da’wat De Do, Aur Agar Tumehin Andeshah Ho Ki Jaabir Hukoomat Ke Saamne Nahin Thahr Sakoge Aur Un Se Jafa Karne Par Majboor Ho Jaaoge To Unhein Taklif Na Do, Lekin Shi’ane Ali KarramAllahu Ta’ala Waj’hah-ul-Karim Ne Yeh Faisalah Kar Liya Ki Har Qimat Par Un Ka Saath Denge Aur Saabit Qadam Rahenge, Pas Un Faislo’n Ke Nateeje Me Hazrat Imam Husayn ‘Alayh-is-Salam Ko Khutoot Likhe  Aur Wufood Bheje Un Khutoot Me Likha Ki Aye Ibn Ali RadiyAllahu Ta’ala ‘Anhuma ! Hum Aap Ke Aur Aap Ke Waalide Girami Ke Shi’a Hain Mu’wiyah Ka Intiqaal Ho Chuka Hai Aur Yazeed Takht Nasheen Huwa Hai Hum Koofah Aur Basrah Ke Saare Log Aap Kee Himaayat Me Fisq-o-Fujoor Aur Zulm Aur Irtidaad Ke Khilaaf Aawaaz Uthaane Ke Liye Tayyar Hain. Aap Tashrif Laaein Hum Aap Ke Daste Aqdas Par Bay’at Kar Ke Aap Kee Khilaafat Ka Iqraar Aur E’laan Karne Par Aamaadah Hain Hum Aap Ko Amr Bil-Ma’roof Kee Da’wat Dete Hain Agar Aap Is Da’wat Ke Ba-Wujood Na Aaye To Hum Qiyamat Ke Roz Aap Ke Girebaan Tak Apna Haath Le Jaaenge Aur Allah Kee Bargah Me Jawaab Talabi Karenge. Ki Hum Ne Zulm Ke Khilaaf Awaaz Buland Kee Aur Aap Ko Amr Bi’l-Ma’roof Wa An-Nahiy ‘Ani-‘l-Munkar Ke Da’wat Dee Thi. Lekin Aap Ne Hamari Da’wat Par Koi Iqdam Nahin Kiya Tha.
–
[Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me, Safha-19_20.]

 

Posted in 1 Pehla Khitaab : Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me, Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me

Koofah Jaane Ke Liye Imame Paak Ka Faisalah

Posted on by tahirulqadribooks

                   Jab Imam Husayn RadiyAllahu Ta’ala ‘Anhu Ke Paas Yeh Khat Pahunche To Aap Kee Himmat Aur Ghairate Deeni Josh Me Aa Gayi Aur Aap Ne Amr Bi’l-Ma’roof Wa An-Nahiy ‘Ani-‘l-Munkar Ke Liye Alame Jihaad Buland Karna Apna Farz Samajh Liya Is Par Hazrat Abd Allah Bin Abbas RadiyAllahu Ta’ala ‘Anhuma Aur Aap Ke Deegar A’izzah Wa Aqaarib Aur Kai Jalil-ul-Qadr Sahabah Aur Tabi’iyn Ne Aap Kee Khidmat Me Darkhaast Kee Ki Hazrat Aap Koofah Tashrif Na Le Jaaein Koofah Ke Log Be-Wafa Hain. Jafaakaar Hain Unhone Aap Ke Abba Huzoor Se Be-Wafa’i Kee Thi Unhein Ghurbat Pardes Aur Kasmapursi Kee Haalat Me Shahadat Ke Anjaam Tak Pahunchaya Tha. Aur Phir Yeh Log Woh Hain Ki Yeh Apne Zaalim Amir Ko Takht Se Hata Kar Da’wat Nahin De Rahe Us Kee Pairwi Ka Qilaadah Ba Dastoor Un Ke Gale Me Hai. Un Ke Saro’n Par Us Kee Ghulami Ka Saaya Hai Lekin Aap Ko Bula Rahe Hain Kahin Aisa To Na Ho Ki Aap Se Be-Wafa’i Kar Jaaein Aur Zulm-o-Sitam Ke Murtaqib Ho’n Hazrat Imam Husayn RadiyAllahu Ta’ala ‘Anhu Ne Yeh Sab Kuchh Suna Lekin Farmaya Ki Ab Mujh Par Amr Bi’l-Ma’roof Wa An-Nahiy ‘Ani-‘l-Munkar Aur Da’wate Haque Kee Khaatir Alame Jihaad Karna Farz Ho Chuka Hai, Woh Log Jafakar Ho’n Ya Be-Wafa, Mujhe Un Kee Be-Wafa’i Se Koi Sarokaar Nahin, Qiyamat Ke Din Allah Kee Bargah Me Pesh Hone Se Darta Hoo’n Ki Kahin Aisa Na Ho Ki Mujh Se Sawaal Kiya Jaaye Ki Tujhe Da’wate Haque Dee Gayi Thi Us Waqt Zulm Wa Barbariyyat Ka Baazaar Garm Tha Aur Sunnate Nabawi Ke Khilaaf Sarkashi Ho Rahi Thi Aur Deene Islam Me Bid’aat Wa Khuraafaat Ko Riwaaj Diya Jaa Raha Tha Qaarooniyyat, Fir’awniyyat, Aur Yazeediyyat Dandana Rahi Thi Logo’n Ke Huqooq Salb Ho Rahe They Aazadiya’n Chhini Jaa Rahi Thi, Islami Shi’aar  Ka Mazaaq Udaaya Jaa Raha Tha, Islam Kee Hukoomat Aur Islam Ke Qanoon Kee Tad’hik Ho Rahi Thi Aur Husayn RadiyAllahu Ta’ala ‘Anhu ! Us Waqt Too Ne Us Baghaawat Ke Khilaaf Jihaad Ka Alam Kyun Buland Na Kiya ? Us Waqt Mein Kya Jawaab Dunga. Albatta Yeh Munaasib Hai Ki Jaane Se Pehle Apne Chachazaad Muslim Bin Aqil RadiyAllahu Ta’ala ‘Anhuma Ko Haalaat Ka Jaa’izah Lene Bhejta Hoo’n, Unhone Waha’n Se Jo Report Bheji Phir Us Ke Mutabiq Amal Karunga Chunanche Aap Ne Hazrat Muslim Bin Aqil RadiyAllahu Ta’ala ‘Anhuma Ko Koofah Sifaarat Ke Khayaal Se Bheja, Aur Farmaya, Ki Aye Mere Bhaai Muslim ! Koofah Jaa Kar Haalaat Ka Ja’izah Lo! Aur Waha’n Ke Haalaat Ka Jaa’izah Le Kar Mujhe Mashwarah Do Aur Mujhe Khat Likho Ki Aaya, In Haalaat Me Mera Waha’n Jaana Munaasib Hai Ya Nahin ? Log Yazeed Kee Bay’at Todne Aur Meri Bay’at Karne Ke Liye Tayyar Hai Ya Nahin ?
–
[Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me, Safha-20_21.]

Posted in 1 Pehla Khitaab : Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me, Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me

Imam Muslim RadiyAllahu Ta’ala ‘Anhu Ka Koofah Me Waalihana Istiqbaal

Posted on by tahirulqadribooks

                   Chunanche Hazrat Muslim Bin Aqil RadiyAllahu Ta’ala ‘Anhuma Apne Kuchh Sathiyo’n Apne Do Beto’n Muhammad Aur Ibrahim Ko Saath Le Kar Koofah Rawana Ho Gaye Jab Koofah Pahunche To Shi’ane Ali Ne Aap Ka Shaandaar Istiqbal Kiya Imam Husayn RadiyAllahu Ta’ala ‘Anhu Ka Numa’indah Samajh Kar Jauq Dar Jauq Aap Ke Haath Par Bay’at Karne Lage Aur Pehle Hee Din Das Hazar-10.000 Afraad Ne Hazrat Muslim Bin Aqil RadiyAllahu Ta’ala ‘Anhuma Ke Haath Par Imam Husayn ‘Alayh-is-Salam Kee Taraf Se Bay’at Kar Lee. Aap Ne Pehle Din Logo’n Ka Shawq, Aqidat Wa Muhabbat, Josh Aur Walwala Dekh Kar Imam Husayn RadiyAllahu Ta’ala ‘Anhu Ko Khat Likh Diya Ki Bhai Husayn RadiyAllahu Ta’ala ‘Anhu ! Halaat Da’wate Haque Aur Amr Bi’l-Ma’roof Ke Liye Saazgaar Hain Baarah Hazar-12.000 Afraad Ne Pehle Din Mere Haath Par Bay’at Kar Lee Hai, Aik Laakh Afraad Mazeed Bay’at Karne Ke Liye Tayyar Hain, Aap Bila Taamil Aur Bila Jhijak Tashrif Le Aaein. Yeh Khat Imam Husayn RadiyAllahu Ta’ala ‘Anhu Ko Mila Aur Aap Koofah Rawangi Kee Tayyari Me Masroof Ho Gaye. Idhar Yazeedi Hukoomat Ke Haamiyo’n Ko Hazrat Muslim Bin Aqil RadiyAllahu Ta’ala ‘Anhuma Kee Sar Garmiyo’n Ka Ilm Ho Gaya.
–
[Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me, Safha-21.]

Posted in 1 Pehla Khitaab : Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me, Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me

Koofah Ke Governor Kee Ma’zooli Aur Ibn Ziyaad Ka Taqarrur

Posted on by tahirulqadribooks

                   Koofah Ka Governor Us Waqt Jo Shakhs Tha Us Ka Naam Nu’man Bin Bashir RadiyAllahu Ta’ala ‘Anhu Tha, Yeh Huzoor SallAllahu Ta’ala ‘Alayhi Wa-Aalihi Wa-Sallam Ke Sahabah Aur Khanwada-E-Rasool Ke Ghulamo’n Me Se  Tha, Woh Agarche Hukoomat Ke Aik Zimmedar Uhde Par Faa’iz Tha, Lekin Us Ke Dil Me Us Uhde Kee Muhabbat Na Thi, Woh Us Par Ghulami-E-Rasool Aur Ishqe Husayn Ko Tarjeeh Deta Tha, Is Liye Muslim Bin Aqil RadiyAllahu Ta’ala ‘Anhuma Kee Raah Me Koi Rukaawat Na Daali, Aur Khaamoshi Se Sab Kuchh Gawaara Kiya.

Yazeedi Hukoomat Ke Haamiyo’n Ne Dekha Ki Kaaya Palat Jaane Ka Imkaan Hai To Woh Hazrat Nu’man Bin Bashir RadiyAllahu Ta’ala ‘Anhu Ke Paas Aaye Aur Aa Kar Kaha Ki Nu’man Bin Bashir RadiyAllahu Ta’ala ‘Anhu ! Koofah Shahr Yazeed Kee Hukoomat Se Nikla Jaa Raha Hai Imam Husayn ‘Alayh-is-Salam Ke Haque Me Log Jauq Dar Jauq Muslim Bin Aqil RadiyAllahu Ta’ala ‘Anhuma Ke Haatho’n Par Bay’at Kar Rahe Hain Aur Too Khaamoshi Se Tamaasha Dekhe Jaa Raha Hai, Muslim Bin Aqil RadiyAllahu Ta’ala ‘Anhuma Ko Giriftaar Kar, Aur Qayl Kar Ke Un Ka Safaaya Kar De Taa Ki Fitna Wa Fasaad Ka Imkaan Na Rahe.

 

Nu’man RadiyAllahu Ta’ala ‘Anhu Kisi Qeemat Par Bhi Is Iqdaam Ke Liye Aamaadah Na They, Unhone Taalne Kee Koshish Kee, Farmaya Muslim Bin Aqil RadiyAllahu Ta’ala ‘Anhuma Ne Chun Ki Bay’ate Khufya Lee Hai To Yeh Munasib Nahin Ki Alal E’laan Unhein Giriftaar Karo’n, Mein Bhi Khufya Taur Par Kuchh Iqdaam Karunga. Log Samajh Gaye Ki Khanwada-E-Rasool Ke Khilaaf Isi Ghulami Aur Muhabbate Rasool Ke Rishte Se Koi Iqdaam Karne Par Tayyar Nahin Hai. Yazeed Kee Hukoomat Ke Haamiyo’n Ka Yeh Wafd Yazeed Ke Paas Pahuncha Aur Us Ko Soorate Haal Se Aagaah Kiya. Aur Kaha Ki Nu’man Bin Bashir RadiyAllahu Ta’ala ‘Anhu Qat’an Teri Hukoomat Ke Mafaadaat Ke Tahaffuz Par Aamaadah Nahin Hai. Imam Husayn RadiyAllahu Ta’ala ‘Anhu Kee Aamad Aamad Hai Aur Log Muslim Bin Aqil RadiyAllahu Ta’ala ‘Anhuma Ke Haath Par Jauq Dar Jauq Bay’at Kar Rahe Hain Koofah Aur Basrah Bhi Tere Iqtedaar Se Nikal Jaane Ko Hai Too Fauran Is Ke Liye Koi Bandobast Kar !

 

Yazeed Ne Apne Aik Khandani Ghulam Ko Bulaya, Yeh Hazrat Amir Mu’awiyah RadiyAllahu Ta’ala ‘Anhu Ka Mu’tamad Ghulam Tha, Yazeed Ne Us Kee Goud Me Parwarish Paayi Thi, Aur Yeh Isi Ke Khaandaan Ka Raazdaar Tha, Us Mahrame Raaz Se Puchha Ki Haalaat Yeh Hain To Bata Ki Mein Kya Karun ? Us Ne Kaha Yeh Durust Hai Ki Too Ziyad Bin Aboo Sufyan Ko Achchha Nahin Samajhta, Tere Baap Hazrat Amir Mu’awiyah RadiyAllahu Ta’ala ‘Anhu Ne Ziyad Ko Tere Daada Aboo Sufyan Ka Beta Zaahir Kiya Tha Lekin Laundi Ke Batan Se Hone Kee Bina Par Tere Baap Ne Use Gawara Na Kiya Aur Hamesha Haqeer Nazro’n Se Dekha, Phir Jab Teri Takht Nasheeni Ka Waqt Aaya To Ziyad Bin Aboo Sufyan Ne Teri Takht Nasheeni Kee Bhi Mukhalifat Kee, Too Is Wajah Se Bhi Use Achchha Nahin Samajhta, Aur Us Ke Bete Ubaydullah Bin Ziyad Ko Bhi Usi Nisbat Se Bura Jaanta Hai Lekin Meri Raaye Yeh Hai Ki Is Aade Waqt Me Jis Tarah Ubaydullah Ibn Ziyad Tere Kaam Aa Sakta Hai Aur Is “Fitna Wa Saazish” Ko Jis Tarah Woh Kuchal Sakta Hai Koi Aur Is Muhim Ko Kamyaabi Se Sar Nahin Kar Sakta Too Fauran Koofah Aur Basrah Kee Hukoomat Ubaydullah Bin Ziyad Ke Supurd Kar De, Aur Nu’man Bin Bashir RadiyAllahu Ta’ala ‘Anhu Ko Ma’zool Kar De, Yaa Ki Ibn Ziyad Apni Sakht Policy Kee Wajah Se Us Saazish Ko Kuchal De. Yazeed Ko Yeh Mashwarah Pasand Aaya Us Ne Fori Khat Ke Zari’e Nu’man Bin Bashir Ko Ma’zool Kar Diya Aur Ubaydullah Bin Ziyad Ko Governor Naamzad Kar Diya.
–
[Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me, Safha-21_23.]

Posted in 1 Pehla Khitaab : Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me, Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me

Ibn Ziyaad Ka Koofah Me Daakhilah

Posted on by tahirulqadribooks

                   Ibn Ziyad Basrah Ka Governor Tha, Shi’ane Ali KarramAllahu Ta’ala Waj’hah-ul-Karim Wa Husayn ‘Alayh-is-Salam Ka Zor Todne Ke Liye, Yazeed Ne Use Koofah Ka Bhi Governor Bana Diya Aur Hukm Naama Bhi Bheja Ki Fauran Koofah Pahunch Kar Waha’n Ke Haalaat Ko Qaabu Me Laao.

 

Jis Din Basrah Me Ibn Ziyad Ko Yazeed Ka Yeh Hukm Naama Mila, Usi Din Basrah Me Hazrat Imam Husayn RadiyAllahu Ta’ala ‘Anhu Ka Qaasid Bhi Aap Ka Khat Le Kar Waha’n Pahuncha Magar Woh Giriftar Kar Liya Gaya.

 

Ibn Ziyad Ne Logo’n Ko Mar’oob Wa Khaufzadah Karne Ke Liye Aik Jalsa-E-Aam Ka Ihtimam Kiya, Jab Log Ikatthe Ho Gaye To Garja !

Aye Logo’n ! Mujhe Pahchan Ne Kee Koshish Karo, Mein Khoonkhaar Saffaak Ka Beta Hoo’n, Aik Zaalim Wa Zaabir Aur Qatl-o-Ghaarat Se Daregh Na Karne Waale Ka Beta Hoo’n Mera Baap Saffaak Tha Aur Mein Bhi Saffaak Hoo’n Jo Shakhs Yazeed Kee Bay’at Aur Hukoomat Se Roogardaani Karega Aur Imam Husayn RadiyAllahu Ta’ala ‘Anhu Aur Muslim Bin Aqil RadiyAllahu Ta’ala ‘Anhuma Kee Bay’at Karega Mein Us Ke Tukde Tukde Karunga. Us Ko Tabaah Wa Barbaad Kar Ke Rakh Dunga, Safha-E-Hasti Se Mita Dunga, Khabardar ! Sare Dast (Is Waqt)  Mein Shahre Basrah Apne Bhaai Ke Supurd Kar Ke Jaa Raha Hoo’n Taa Ki Muslim Bin Aqil RadiyAllahu Ta’ala ‘Anhuma Ka Safaaya Kar Saku’n Aur Tumhein Tambeeh Kiye Jaa Raha Hoo’n Ki Yazeed Ke Bay’at Se Koi Shakhs Inkaar Na Kare Warna Us Ke Haque Me Achchha Nahin Hoga Phir Us Ne Us Qaasid Ko Bulaaya Jo Imam Husayn ‘Alayh-is-Salam Ka Khat Le Kar Aaya Tha, Majm’a-E-Aam Me Khade Ho Kar Talwaar Be-Niyaam Kar Ke Us Qaasid Ka Sar Qalam Kar Diya Aur Khud Koofah Kee Taraf Rawana Ho Gaya.

 

Jab Woh Koofah Pahuncha To Us Ke Paas Paanch Sau-500 Aadmiyo’n Ka Lashkar Tha Qaadisiyah Ke Maqam Par Baaqi Logo’n Ko Chhod Kar Sau-100 Afraad Ko Saath Liya, Aur Apna Libaas Utaar Kar Hijaazi Libaas Pahna Chehrah Kapde Me Chhupa Liya, Taa Ki Logo’n Ko Mughaalatah Ho Ki Imam Husayn RadiyAllahu Ta’ala ‘Anhu Aa Gaye Hain Phir Woh Maghrib Aur Isha’ Ke Darmiyan Koofah Me Daakhil Huwa To Us Waqt Log Us Chashm-o-Chiraagh Khanwada-E-Nubuwwat Imam Husayn ‘Alayh-is-Salam Kee Aamad Ke Muntazar They Aur Hasrat Bhari Nigaaho’n Se Un Kee Raah Dekh Rahe They. Jab Shaam Ke Andhere Me Ubaydullah Ibn Ziyad Chehre Par Kapda Daale Aaya To Log Ghalat Fahmi Ka Shikaar Ho Gaye Unhone Samjha Ki Shaayad Husayn Ibn Ali RadiyAllahu Ta’ala ‘Anhuma Aa Gaye Hain Woh Jauq Dar Jauq Us Ke Paas Aane Lage Koofah Ke Gali Koocho’n Me Aawaazein Buland Huwi Marhaban Bikum, As-Salamu Alayka Ya Ibn Rasool! Aye Rasoole Paak Ke Pyaare Bete Husayn RadiyAllahu Ta’ala ‘Anhu Aap Kee Aamad Mubarak Ho! Har Taraf Shor-o-Ghul Bapa Ho Gaya Hatta Ki Nu’man Bin Bashir RadiyAllahu Ta’ala ‘Anhu Ne Bhi Samajha Ki Imam Husayn ‘Alayh-is-Salam Aa Gaye Hain Nu’man Ko Yeh Pata Chal Chuka Tha Ki Yazeed Un Ke Qatl Ke Dar Pe Ho Chuka Hai Aur Haalaat Na-Saazgaar Ho Gaye Hain Aur Koofiyo’n Kee Haalat Ka Bhi Unhein Ilm Tha Jab Ubaydullah Ibn Ziyad Sidha Nu’man Bin Bashir RadiyAllahu Ta’ala ‘Anhu Ke Mahal Par Pahuncha To Aap Ne Qal’ah Ka Darwazah Band Kar Liya Aur Oopar Se Aawaaz Dee Aye Husayn Ibn Ali RadiyAllahu Ta’ala ‘Anhuma! Tujh Par Salam Ho Raat Ka Waqt Hai Meri Fauj Qal’ah Ke Andar Hai Mujhe Haalaat Kee Na-Saazgaari Ka Ilm Hai, Aap Khudaara Koofah Chhod Kar Madinah Chale Jaaein Yaha’n Ke Haalaat Saazgaar Nahin Hain, Logo’n Ke Dil Aap Ke Saath Hain Lekin Talwaaarein Yazeed Ke Saath Hain. Aur Mein Yeh Nahin Chaahta Ki Meri Hukoomat Me Aap Ka Sare Aqdas Qalam Ho Jaaye Aap Khaamoshi Se Waapas Chale Jaa’iye.

Ibn Ziyad Ne Hazrat Nu’man RadiyAllahu Ta’ala ‘Anhu Kee Yeh Baat Suni To Jal Bhun Gaya Kyun Ki Us Me Se Boo-E-Wafa Aa Rahi Thi Garaj Kar Bola ! Darwazah Kholo “Mein Ibn Ziyad Hoo’n”

Hazrat Nu’man Bin Bashir RadiyAllahu Ta’ala ‘Anhu Ne Darwazah Khol Diya, Us Ne Aate Hee Uhde Ka Charge Le Kar Hazrat Nu’man RadiyAllahu Ta’ala ‘Anhu Ko Ma’zool Kar Diya Aur Usi Waqt Apne Jasooso’n Ko Hukm Diya Ki Shahr Me Phail Jaao Aur Jaha’n Muslim Bin Aqil RadiyAllahu Ta’ala ‘Anhuma Panaah Guzi’n Ho Un Ko Giriftaar Kar Ke Le Aao.
–
[Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me, Safha-23_24.]

Posted in 2 Doosra Khitaab : Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me, Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me

Ibn Ziyaad Kee Makrooh Saazishein

Posted on by tahirulqadribooks

DOOSRA
KHITAAB

 

Mu’azzaz Khawateen-o-Hazarat ! Guzishta Jum’at-ul-Mubarak Ke Khitab Me Hum Ne Imam Husayn RadiyAllahu Ta’ala ‘Anhu Ke Mawzoo’ Par Guftagu Ka Aaghaaz Kiya Tha Aur Yeh Silsila Waar Guftagu Bayan Kar Ke Is Marhale Par Khatm Huwi Thi Ki Jab Haalaat Yazeed Ke Qaabu Se Baahir Hone Lage To Yazeed Ne Nu’man Bin Bashir RadiyAllahu Ta’ala ‘Anhu Ko Ma’zool Kar Ke Ibn Ziyad Ko Koofah Ka Governor Muqarrar Kar Diya Aur Woh Raat Ke Dhundalke Me Koofah Pahuncha Aur Us Ne Apne Mansab Ko Sambhaal Liya.

Ibn Ziyaad Kee Makrooh Saazishein

                   Agle Roz Ibn Ziyad Ne Koofah Me Aik Jalsa-E-Aam Ka Intizaam Kiya Us Me Hazaro’n Afraad Jam’a Kar Ke Us Ne Barmala E’laan Kar Diya Ki Tum Log Jaante Ho Ki Mere Baap Ziyaad Baap Jallad Tha, Saffaak Tha, Khoon Rez Tha Aur Mein Bhi Khoon Rez Aur Saffaak Hoo’n Mujhe Ma’loom Huwa Hai Ki Tum Yazeed Kee Bay’at Aur Us Kee Hukoomat Se Inkaari Ho Pas Mein Tumhein Sakhti Ke Saath Is Baat Se Man’a Karta Hoo’n Aur Yeh E’laan Karta Hoo’n Ki Jo Shakhs Imam Husayn RadiyAllahu Ta’ala ‘Anhu Ke Liye Muslim Bin Aqil RadiyAllahu Ta’ala ‘Anhuma Ke Haath Par Bay’at Karega Mein Us Kaa Naam Safha-E-Hasti Se Mita Dunga. Mein Tum Sab Logo’n Ke Naam Bhi Jaanta Hoo’n Aur Tumhari Shaklein Bhi Pahchaanta Hoo’n Aur Tumhare Khandano’n Se Bhi Waqif Hoo’n.

Us Kee Is Haybat Naak Guftagu Ke Nateeje Me Woh Hazaro’n Koofi Jo Hazrat Ali KarramAllahu Ta’ala Waj’hah-ul-Karim Aur Imam Husayn RadiyAllahu Ta’ala ‘Anhu Kee Himayat Aur Ghair Mashroot Wafadaari Ke Alambardaar They. Woh Apni Buzdili Ke Baa’is Unhin Qadmo’n Par Pichhe Hat Gaye, Aur Bahut Se Log Khauf Ke Maare Chhup Gaye.

 

Baa’d Aza’n Hazrat Muslim Bin Aqil RadiyAllahu Ta’ala ‘Anhuma Kee Riha’ish Kee Sahih Khabar Ma’loom Karne Ke Liye Aik Ghulaam Ko Teen Hazar-3.000 Dirham De Kar Bheja, Us Ko Ittila’ Ho Gayi Thi Ki Hazrat Muslim Bin Aqil RadiyAllahu Ta’ala ‘Anhuma Us Waqt Koofah Ke Aik Ra’is, Aik Amir Kabir Shakhs Ke Ghar Me Maujood Hain Jis Ka Naam Haani Bin Urwah RadiyAllahu Ta’ala ‘Anhu Hai, Aur Ahl-E-Bayt ‘Alayhim-us-Salatu Was-Salam Ke Saath Muhabbat Karne Waala Hai, Us Ghulam Se Kaha Ki Tum Haani Ke Ghar Jaao Aur Yeh Zaahir Karo Ki Tumhein Basrah Waalo’n Ne Imam Husayn ‘Alayh-is-Salam Ke Haque Me Hazrat Muslim Bin Aqil RadiyAllahu Ta’ala ‘Anhuma Ke Haath Par Bay’at Karne Ke Liye Bataur Numa’indah Bheja Hai Aur Yeh Teen Hazar-3.000 Dirham Unhone Bataur Hadiya Bheje Hain, Is Bahaane Sahih Soorate Haal Se Aagaah Ho Kar Mujhe Khabar Karo! Chunache Woh Ghulaam Haani Bin Urwah RadiyAllahu Ta’ala ‘Anhu Ke Ghar Pahuncha, Darwazah Khatkhataya Aur Kaha Ki Mujhe Basrah Walao’n Ne Hazrat Muslim Bin Aqil Ke Haath Par Bay’at Karne Bataur Numa’indah Bheja Hai To Woh Us Kee Chikni Chupdi Baato’n Me Aa Gaye Aur Andar Hazrat Muslim Bin Aqil RadiyAllahu Ta’ala ‘Anhuma Ke Paas Le Gaye, Us Ne Un Ke Saath Bhi Woh Baat Halafan Kahi, Aur Un Ke Daste Aqdas Par Bay’at Karte Huwe Teen Hazar-3.000 Dirham Hadiya Ke Taur Par Pesh Kiye.

Wapas Aa Kar Us Ne Ibn Ziyad Ko Khabar Kee, Ibn Ziyad Ne Agle Roz Haani Bin Urwah RadiyAllahu Ta’ala ‘Anhu Ko Bulaya Aur Kaha Ki Haani! Tum Jaante Ho Ki Mere Baap Ziyad Bin Sufyan Ne Koofah Me Aik Shakhs Ko Bhi Khandane Nubuwwat Se Muhabbat Karne Waala Nahin Chhoda Tha Tere Siwa Sab Ko Khatm Kar Diya Tha Aur Tujh Par Ihsaan Karte Huwe Mere Waalid Ne Tujhe Mu’aaf Kar Diya Tha Lekin Aaj Isi Ahl-E-Bayt Kee Muhabbat Me Banu Umayya Kee Dushmani Kar Rahe Ho Aur Banu Umayya Aur Yazeed Ke Dushman Ko Apne Ghar Panah De Rahe Ho, Hazrat Haani RadiyAllahu Ta’ala ‘Anhu Ne Inkaar Kar Diya, Lekin Jab Us Ne Ghaddaar Ghulaam Ko Pesh Kiya To Aap Samajh Gaye Ki Saazish Ka Shikaar Ho Gaye Hain Aur Ibn Ziyad Ko Ilm Ho Gaya Hai.

 

Ibn Ziyad Bola ! Ab Muslim Bin Aqil RadiyAllahu Ta’ala ‘Anhuma Ko Mere Supurd Kar Do! Haani RadiyAllahu Ta’ala ‘Anhu Kehne Lage Ki Mein Yeh Zulm Nahin Kar Sakta Ki Khanwada-E-Rasool Ke Chashm-o-Chiraag Ko Mein Apne Haatho’n Se Gul Hota Huwa Dekho’n. Us Ne Aik Gurz Haani Bin Urwah RadiyAllahu Ta’ala ‘Anhu Kee Peshaani Par Maari Aur Un Ka Sar Phat Gaya.
–
[Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me, Safha-27_28.]

 

Posted in 2 Doosra Khitaab : Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me, Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me

Ahle Koofah Kee Be Wafaa’i

Posted on by tahirulqadribooks

                   Hani Bin Urwah RadiyAllahu Ta’ala ‘Anhu Chun Ki Koofah Ke Ra’is They Is Liye Un Ke Qabeele Ke Hazaro’n Afraad Nangi Talwaarein Le Kar Nikal Aaye, Is Khayaal Se Ki Haani Qatl Kar Diye Gaye Hain Yaka Yak Koofah Kee Galiyo’n Me Aik Ma’rakah Bapa Ho Gaya, Imam Husayn RadiyAllahu Ta’ala ‘Anhu Ke Numa’inde Muslim Bin Aqil RadiyAllahu Ta’ala ‘Anhuma Bhi Talwaar Le Kar Maidaane Kaarzaar Me Aa Gaye Baa’z Riwayat Me Chaar Hazar-4.000 Ta’daad Aati Hai Lekin Baa’zo’n Ne Chawdah Hazar-14.000 Kee Ta’daad Bayaan Kee Hai, Yeh Hazrat Muslim Bin Aqil RadiyAllahu Ta’ala ‘Anhuma Kee Qiyaadat Me Ibn Ziyad Ke Qal’ah Par Hamla Aawar Ho Gaye, Shaam Tak Ibn Ziyaad Ne Tero’n Kee Baarish Kee, Itna Pathraao Kiya Itna Zulm-o-Sitam Kiya Ki Chawdah Hazar-14.000 Hazar Afraad Me Se Maghrib Ke Waqt Tak Kam-o-Besh Paanch Sau-500 Koofi Hazaraat Muslim Bin Aqil RadiyAllahu Ta’ala ‘Anhuma Ke Saath Rah Gaye Aur Baaqi Sab Log Buzdili Ke Sabab Un Ka Saath Chhod Gaye, Aap Ne Namaze Maghrib Kee Niyyat Baandhi Paanch Sau-500 Koofi Aap Ke Muqtadi They Jab Aap Ne Salaam Phera Aur Palat Kar Dekha To Un Paanch Sau-500 Koofiyo’n Me Se Aik Shakhs Bhi Na Tha Andheri Raat Me Zaalim Wa Be-Wafa Log Hazrat Muslim Bin Aqil RadiyAllahu Ta’ala ‘Anhuma Ko Tanha Chhod Kar Gharo’n Ko Waapas Chale Gaye They, Ab Koofe Kee Haulnaak Galiyon’n Me Raat Ka Haibat Naak Maahol Hai, Yazeed Aur Ibn Ziyad Ke Zalimana Aur Baimanah Mansoobe Hain Aur Woh Jo Hazaro’n Kee Ta’dad Me Aa Ke Daste Aqdas Par Bay’at Kar Ke Aap Se Ghair Mashroot Wafadari Ka Wa’dah Kar Chuke They Un Me Se Aik Shakhs Bhi Us Waqt Hazrat Muslim Bin Aqil RadiyAllahu Ta’ala ‘Anhuma Ka Sahaara Ban Ne Ke Liye Tayyar Nahin Aap Un Be-Hayaa’on Kee Be-Ghairati Par Ta’jjub Karte Rahe, Aakhir Thak Haar Kar Aik Darwaze Par Chupke Se Baith Gaye Ki Chalo Diwaar Se Tek Laga Kar Raat Kee Kuchh Gadiya’n Basar Karte Hain, Achaanak Darwazah Khula Aur Ghar Kee Maalika Ne Jhaanka Aur Kaha : Aye Bhaai Too Koun Hai ? Aur Is Waqt Mere Darwaze Par Kyun Baytha Hai ? Fitne Ka Zamana Hai, Sarkari Pahredaar Phir Rahe Hain Koi Sipaahi Tumehin Giriftaar Kar Ke Le Jaaega. Farmane Lage : Mein Muslim Bin Aqil RadiyAllahu Ta’ala ‘Anhuma Hoo’n Saara Din Sub’h Se Shaam Tak Jihaad Karta Raha Hoo’n Aur Bhooka Pyaasa Hoo’n Aur Jism Thak Kar Choor-Choor Ho Chuka Hai Mujhe Sirf Raat Kee Chand Gadiya’n Aaraam Kar Lene De. Woh Nek Bakht Khaatoon Bhi Ahl-E-Bayt Se Muhabbat Karne Waali Thi, Aur Dil Me Muhabbat Chhupaaye Huwe Thi Us Ne Muslim Bin Aqil RadiyAllahu Ta’ala ‘Anhuma Ko Apne Ghar Jagah De Dee, Lekin Use Kya Khabar Ki Us Ka Beta Muslim Bin Aqil RadiyAllahu Ta’ala ‘Anhuma Kee Talaash Me Sargardaa’n Hai, Woh Jab Raat Ko Ghar Pahuncha, Us Maa Ne Apne Kaam Ko Kaare Khayr Samajhte Huwe Apne Bete Se Kaha Ki Aaj Hamaare Ghar Me Gulistane Muhammadi Ka Mahakta Huwa Phool Hai. Us Bete Ne Khunkhaar Aankho’n Se Dekha Aur Ibn Ziyad Ko Khabar Kar Dee. Us Ke Sipaahi Aaye Aur Muslim Bin Aqil RadiyAllahu Ta’ala ‘Anhuma Par Hamla Aawar Ho Gaye, Der Tak Aap Ne Wafaa’i Jang Ladi, Lekin Tanha They Giriftar Kar Ke Ibn Ziyad Ke Paas Pahucnha Diye Gaye, Ibn Ziyad Ne Aap Ko Haani Bin Urwah Ke Saath Qayd  Me Rakkha, Yeh Khabar Phir Koofe Me Aag Kee Tarah Phail Gayi Aur Kam-o-Besh Aththarah Hazar-18.000 Afraad Phir Hazrat Muslim Bin Aqil RadiyAllahu Ta’ala ‘Anhuma Kee Rihaa’i Ke Liye Aa Gaye.
–
[Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me, Safha-28_29.]

Posted in 2 Doosra Khitaab : Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me, Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me

Hazrat Muslim RadiyAllahu Ta’ala ‘Anhu Kee Shahadat

Posted on by tahirulqadribooks

                   Ibn Ziyad Ahle Koofah Kee Nafsiyaat Aur Kameena Fitrat Se Bakhoobi Aagaah Tha, Use Ilm Tha Yeh Log Intiha’i Buzdil, Darpok Aur Kam Himmat Hain Sher Kee Tarah Aage Aate Hain, Magar Madde Muqaabil Ke Bigde Tewar Dekh Kar Fauran Hee Sahm Jaate Hain, Us Ne Un Kee Is Buzdili, Kam Himmati Aur Be-Ghairati Se Poora Poora Faa’idah Uthaaya Aur Hazrat Imam Muslim Bin Aqil RadiyAllahu Ta’ala ‘Anhuma Aur Hazrat Hani RadiyAllahu Ta’ala ‘Anhu Ko Shaheed Karne Ka Faisalah Kar Liya Ki In Hazaraat Ke Sar Ko Koofiyo’n Kee Bheeed Me Phaink Diye Jaaein, Un Ke Kate Huwe Sar Dekhte Hee Un Kee Yeh Sab Na’rah-Baazi Khatm Ho Jaaegi Aur Yeh Josh-o-Kharosh Bhul Kar Dum Daba Kar Bhaag Jaaeinge.

Chunanche Aisa He Huwa. Un Dono’n Ko Shaheed Kar Ke Jab Un Ke Sar Koofiyo’n Me Phainke Gaye To Un Ke Haath Pair Phool Gaye Khauf Se Kaanp Utthey, Aur Khisakna Shuru’ Ho Gaye, Aahista Aahista Naubat Yaha’n Tak  Pahunchi Ki Aththarah Hazar-18.000 Afraad Me Se Aik Bhi Na Bacha, Aur Sab Dum Daba Kar Aur Jaan Bacha Kar Bhaag Gaye.
–
[Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me, Safha-29_30.]

Posted in 2 Doosra Khitaab : Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me, Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me

Imam Muslim RadiyAllahu Ta’ala ‘Anhu Ke Do Sahibzaade

Posted on by tahirulqadribooks

                   Hazrat Muslim Bin Aqil RadiyAllahu Ta’ala ‘Anhuma Ne Jab Yeh Manzar Dekha To Apne Chhoto’n Sahibzado’n Ko Jo Ki Ma’soom Bacche Hazrat Muhammad Aur Hazrat Ibrahim Apne Abba Ke Saath Koofe Aaye They Un Ko Qaadi Shurayh Ke Haa’n Hifazat Ke Liye Bhej Diya, Tarikh Kee Aksar Kitabo’n Me Yahi Kuchh Aata Hai Ki Hazrat Muhammad Aur Hazrat Ibrahim Jo Hazrat Muslim Bin Aqil RadiyAllahu Ta’ala ‘Anhuma Ke Bete They Aur Ma’soom They, Un Ko Hazrat Muslim Bin Aqil RadiyAllahu Ta’ala ‘Anhuma Kee Shahadat Ke Baa’d Shaheed Kar Diya Gaya Tha Lekin “Rawdat-ush-Shuhda” Me Mulla Husayn Kashifi Ne Is Waqi’a Ko Yun Bayan Kiya Hai Ki Hazrat Muslim Bin Aqil RadiyAllahu Ta’ala ‘Anhuma Ne Un Dono’n Shehzado’n Ko Hazrat Shurayh RadiyAllahu Ta’ala ‘Anhu Ke Haa’n Bhej Diya Aur Farmaya Tha Ki Beto! Tum Idhar Thahro Mein Tumhare Chacha Haani Kee Rihaa’I Ke Liye Jang Karne Jaa Raha Hoo’n Aur Abhi Laut Kar Aata Hoo’n. Woh Dono’n Usi Lamhe Se Apne Waalid Kee Waapasi Ka Intezaar Kar Rahe They Saara Din Guzar Gaya Phir Saari Raat Beet Gayi Lekin Hazrat Muslim Bin Aqil RadiyAllahu Ta’ala ‘Anhuma Waapas Tashrif Na Laaye, Un Ma’soom Baccho’n Ne Pardes Me Aik Luqma Tak Tanaawul Na Kiya Tha. Aik Ajib Pareshaani Thi Maayoosi Kee Kayfiyyat Thi Na Paani Peete They Na Khaana Khaate They Janab Qazi Shurayh Pur Nam Aankho’n Ke Saath Dast-Basta Shahzado’n Ke Saamne Pesh Hote! Arz Karte : Shahzado ! Khaana Khaa Lo To Woh Arz Karte: Chacha Jaan ! Hum Apne Abba Jaan Ke Baghair Khaana Nahin Khaaeinge. Hum Un Ka Intezaar Kar Rahe Hain, Aur Qaazi Shurayh Aah Bhar Kar Sar Jhuka Lete Na Woh Bayan Kar Sakte They Aur Na Hee Woh Chhupa Sakte They Pur Nam Aankho’n Ke Saath Laut Jaate Phir Aa Kar Arz Karte To Phir Wohi Jawaab Milta Ki Chacha Hum Abba Jaan Ke Baghair Khaana Nahin Khaaeinge. Yeh Kashmakash Jaari Hai Do Din Se Bacche Bhooke Aur Pyaase Hain Phir Chhota Ibrahim Apne Bade Bhaai Se Kehta Hai Bhaai Jaan Khuda Jaane Abba Jaan Kab Aaeinge ! Mein Madine Kee Galiyo’n Ke Liye Udaas Ho Gaya Hoo’n, Mera Dil Chaahta Hai Ki Hum Daud Kar Waapas Madine Chale Jaaein, Aur Madine Ke Bacche Kehte Honge Ki Ibrahim Hamein Koofah Jaa Kar Bhool Gaya Hai, Is Qism Kee Ma’soomana Guftagu Dono’n Bhaai Aapas Me Kar Rahe Hain. Qaazi Shurayh Aur Us Ke Ghar Waale Is Guftagu Ko Sun Rahe Hain Un Ka Kaleja Phata Ja Raha Hai.

Isi Athna Me Koofe Kee Galiyo’n Me E’laan Ho Gaya Ki Jo Shakhs Muslim Bin Aqil RadiyAllahu Ta’ala ‘Anhuma Ke Dono’n Beto’n Ko Giriftaar Kar Ke Laaega Use In’aam Wa Ikraam Se Nawaaza Jaaega Aur Jo Shakhs Un Dono’n Ko Apne Ghar Me Panaah Dega Use Sakht Saza Dee Jaaegi.

 

Ab Qaazi Shurayh Se Raha Na Gaya, Is Liye Ki Har Taraf Jasoos In Baccho’n Kee Talaash Me They  Us Woh Dil Thaam Kar Badi Pareshaani Ke Aalam Me Shahzado’n Ke Saamne Aa Kar Arz Karne Lage. Mein  Tumhein Bade Afsos Ke Saath Tumhein Yeh Khabar Sunane Ke Liye Majboor Hoo’n Ki Tumhaare Baaba Hazrat Muslim Bin Aqil RadiyAllahu Ta’ala ‘Anhuma Ko Shaheed Kar Diya Gaya Hai. Aur Yeh Hazaro’n Koofi Jo Kal Tak Tumhare Haath Chumte They Tumhare Daaman Chhu Chhu Kar Apni Aankho’n Se Lagaate They.

 

Aur Tumhare Baaba Ke Haath Par Bay’at Kar Ke Un Kee Khaatir Kat Marne Ka E’laan Karte They Sab Ke Sab Tumhaara Saath Chhod Chuke Hain. Ab Siwaye Is Ke Koi Chaarah Nahin Ki Tum Chupke  Se Madine Chale Jaao, Agar Mein Tumhein Mazeed Apne Ghar Thahraata Hoo’n To Kisi Bhi Lamhe Tumhaari Giriftaari Amal Me Aa Sakti Hai, Bacche Ro Diye Unhone Samjha Ki Shaayad Baaqi Koofiyo’n Kee Tarah Chacha Bhi Hum Se Baaghi Ho Gaya Hai, Kehne Lage : Chacha Jaan ! Kya Aap Bhi Hamein Ghar Se Nikaalne Lage Hain ? Arz Kiya : Nahin Shahzado, Baat Yeh Nahin Lekin Tumhari Hifazat Isi Tarah Mumkin Hai Ki Tum Madinah Chale Jaao. Sub’h Sawere Fula’n Jagah Se Aik Qaafila Madine Ko Rawana Ho Raha Hai Woh Tumhein Waha’n Pahuncha Dega. Phir Apne Bete As’ad Ko Bulaaya Aur Kaha : As’ad Sub’h Sawere In Dono’n Baccho’n Ko Le Jaa Kar Un Qaafile Waalo’n Ke Supurd Kar Dena, In Kee Shinaakht Na Karwaana Kisi Ko Pata Na Chal Sake Ki Ajnabi Koun Hain ? Woh Chupke Se Unhein Madinah Chhod Denge, Phir Yeh Shahzaade Khud Apne Ghar Chale Jaaeinge.
–
[Shahadate Imame Husayn RadiyAllahu Ta’ala ‘Anhu Haqa’iq Wa Waqe’at Kee Raushni Me, Safha-30_32.]